ആശാറാം ബലാത്സംഗ കേസ്​: പ്രതിക്ക്​ ജാമ്യം

ജോധ്​പുർ (രാജസ്​ഥാൻ): വിവാദ ആൾദൈവം ആശാറാം ബാപ്പു ഉൾപ്പെട്ട ലൈംഗിക പീഡന കേസിൽ പ്രതികളിൽ ഒരാൾക്ക്​ ജാമ്യം. വിചാരണ കോടതി 20 വർഷം തടവിന്​ ശിക്ഷിച്ച സഞ്ചിത ഗുപ്​ത എന്ന ശിൽപിക്കാണ്​ രാജസ്​ഥാൻ ഹൈകോടതി ജാമ്യം അനുവദിച്ചത്​. ശിൽപിക്കെതിരായ കുറ്റം തെളിയിക്കുന്നതിൽ പ്രോസിക്യൂഷൻ പരാജയപ്പെട്ടതായി കോടതി വ്യക്​തമാക്കി.

അന്തിമ വിധി വരുന്നതു​വരെയാണ്​ ഇവരുടെ ശിക്ഷ റദ്ദാക്കിയത്​. അപ്പീലിൽ തീർപ്പാക്കുന്നതുവരെ വർഷത്തിലൊരിക്കൽ വിചാരണ കോടതിയിൽ ഹാജരാകണമെന്നും നിർദേശിച്ചു. പ്രതിയായ ആശാറാമിന്​ ജീവപര്യന്തവും മറ്റൊരു പ്രതി ശരതിന്​ 20 വർഷം തടവിനും ശിക്ഷിച്ചിരുന്നു. ഇരുവരും അപ്പീൽ നൽകിയിട്ടുണ്ട്​.