ഇന്ത്യയെ വീണ്ടും വിഭജിക്കുന്നതാണിത്; പൗരത്വ ബിൽ കീറിയെറിഞ്ഞ് ഉവൈസി

ന്യൂഡൽഹി: പാർലമെന്‍റിൽ പൗരത്വ ബില്ലിന്‍റെ കോപ്പി കീറിയെറിഞ്ഞ് എ.ഐ.എം.ഐ.എം നേതാവ് അസദുദ്ദീൻ ഉവൈസി എം.പി. രാജ്യത്തെ വിഭജിക്കാനുള്ള ശ്രമമാണിത്. പൗരത്വ ഭേദഗതി ബിൽ ഭരണഘടനാ വിരുദ്ധമാണ് -ഉവൈസി പറഞ്ഞു.

മുസ്ലിംകളെ രാജ്യമില്ലാത്തവരാക്കി മാറ്റുന്നതിനുള്ള ഗൂഢാലോചനയാണ് ഈ ബിൽ. 1947ലേത് പോലെ ഒരു വിഭജനത്തിലേക്കാണ് ഇത് നമ്മെ നയിക്കുക.

AIMIM leader Asaduddin Owaisi tore a copy of #CitizenshipAmendmentBill2019 in Lok Sabha. pic.twitter.com/pzU1NtutD8

— ANI (@ANI) December 9, 2019

മൗലികാവകാശം നിഷേധിക്കുന്നതാണ് ബില്ലെന്നും അമിത് ഷാ ഹിറ്റ്ലറുടെ മുന്നണിയിലാകുമെന്നും ഉവൈസി നേരത്തെ പറഞ്ഞിരുന്നു. ഹിറ്റ്ലർ പരാമർശം ഭരണപക്ഷ പ്രതിഷേധത്തെ തുടർന്ന് സഭാരേഖകളിൽ നിന്ന് നീക്കി.