ഉപതെരഞ്ഞെടുപ്പ്​: 58ൽ 40 സീറ്റുകളിലും ലീഡുമായി ബി.ജെ.പി മു​ന്നേറ്റം

ന്യൂഡൽഹി: ബിഹാർ തെരഞ്ഞെടുപ്പിനൊപ്പം 11 സംസ്​ഥാനങ്ങളിലേക്ക്​ നടന്ന ഉപതെരഞ്ഞെടുപ്പിൽ 58ൽ 40 സീറ്റുകളിലും ലീഡുമായി ബി.ജെ.പി മിന്നും ജയത്തിലേക്ക്​.

ഏറ്റവും കൂടുതൽ സീറ്റുകളിലേക്ക്​ തെരഞ്ഞെടുപ്പ്​ നടന്ന മധ്യപ്രദേശിൽ (28) 20 സീറ്റുകളിൽ ബി.ജെ.പി ലീഡ്​ നേടി. ഭരണം തിരിച്ചുപിടിക്കാൻ കൈമെയ്​മറന്ന്​ പോരാടിയ കോൺഗ്രസിന്​ ഏഴ്​ സീറ്റിൽ മാത്രമാണ്​ മുന്നേറ്റം. ബി.ജെ.പി ഭരിക്കുന്ന ഗുജറാത്തിൽ എട്ടിൽ എട്ട്​ സീറ്റിലും അവർ മുന്നേറുകയാണ്​.

മോർബി സീറ്റിൽ ഒഴികെ എല്ലായിടത്തും 1500 വോട്ടി​െൻറ ലീഡാണ്​ ബി.ജെ.പിക്കുള്ളത്​. ഉത്തർപ്രദേശിൽ ഉപതെരഞ്ഞെടുപ്പ്​ നടക്കുന്ന ഏഴ്​ സീറ്റുകളിൽ ആറിടത്തും ബി.ജെ.പി മുന്നേറ്റമാണ്​. ഒരു സീറ്റിൽ സമാജ്​വാദി പാർട്ടി സ്​ഥാനാർഥി ലീഡ്​ ചെയ്യുന്നു. ഛത്തിസ്​ഗഡിലും ഹരിയാനയിലും തെരഞ്ഞെടുപ്പ്​ നടന്ന ഓരോ സീറ്റുകളിൽ കോൺ​ഗ്രസ്​ സ്​ഥാനാർഥികൾ മുന്നേറുകയാണ്​.

മണിപ്പൂരിൽ വോ​ട്ടെണ്ണൽ പുരോഗമിക്കവേ രണ്ട്​ സീറ്റിൽ വിജയിച്ച ബി.ജെ.പി രണ്ട്​ സീറ്റുകളിൽ ലീഡ്​ ചെയ്യുന്നു. ഒരു സീറ്റിൽ സ്വതന്ത്രൻ വിജയിച്ചു​. ഝാർഖണ്ഡിൽ ഒരിടത്ത്​ ബി.ജെ.പിയും ഒരിടത്ത്​ കോൺഗ്രസും ലീഡ്​ ചെയ്യുന്നു. കർണാടകയിലെ സിറ, ആർ.ആർ നഗർ സീറ്റുകളിൽ ബി.ജെ.പി മുന്നേറ്റം തുടരുന്നു. ഒഡീഷയിൽ രണ്ട്​ സീറ്റിൽ ബി.ജെ.ഡി ലീഡ്​ നേടി.

തെലങ്കാനയിൽ മുഖ്യമന്ത്രി ചന്ദ്രശേഖരറാവുവി​െൻറ തെലങ്കാന രാഷ്​ട്ര സമിതിയുടെ (ടി.ആർ.എസ്​) സിറ്റിങ്​ സീറ്റായ ദുബ്​കയിൽ ബി.ജെ.പി അപ്രതീക്ഷിത വിജയത്തിലേക്ക് കുതിക്കുകയാണ്​​. 25,878 വോട്ടുകളുമായാണ്​ ബി.ജെ.പി സ്​ഥാനാർഥി എം. രഘുനന്ദൻ റെഡ്ഡി മുന്നിട്ട്​ നിൽക്കുന്നത്​.

ടി.ആർ.എസ്​ 22772 വോട്ടുകൾ​ നേടിയിട്ടുണ്ട്​​. ടി.ആർ.എസിലെ​ രാമലിംഗ റെഡ്ഡിയുടെ നിര്യാണത്തെ തുടർന്നാണ്​ മണ്ഡലത്തിൽ ഉപതെരഞ്ഞെടുപ്പ്​ വേണ്ടിവന്നത്​. റെഡ്ഡിയുടെ ഭാര്യ സുജാതയായിരുന്നു ഇവിഴട ടി.ആർ.എസ്​ സ്​ഥാനാർഥി. കോൺഗ്രസിനാക​ട്ടെ 5125 വോട്ടുകളാണ്​ ഇതുവരെ നേടാനായത്​.