അരവിന്ദ് വിർമാനി നിതി ആയോഗ് അംഗം

ന്യൂഡൽഹി: കേന്ദ്രസർക്കാറിന്റെ മുൻ മുഖ്യ സാമ്പത്തിക ഉപദേഷ്ടാവ് അരവിന്ദ് വിർമാനിയെ നിതി ആയോഗിന്റെ മുഴുസമയ അംഗമായി നിയമിച്ചു. ഇക്കണോമിക് ഗ്രോത്ത് ആൻഡ് വെൽഫെയർ ഫൗണ്ടേഷൻ സ്ഥാപകനും ചെയർമാനുമായ അരവിന്ദ് വിർമാനി 2007-2009 കാലയളവിലാണ് ധനകാര്യ മന്ത്രാലയത്തിലെ മുഖ്യ സാമ്പത്തിക ഉപദേഷ്ടാവായി പ്രവർത്തിച്ചത്.

2013 മുതൽ 2016 വരെ റിസർവ് ബാങ്കിന്റെ ധനനയ സാങ്കേതിക ഉപദേശക സമിതി അംഗമായും സേവനമനുഷ്ഠിച്ചു. ഐ.എം.എഫ് എക്സിക്യൂട്ടിവ് ഡയറക്ടറായും പ്രവർത്തിച്ചിട്ടുണ്ട്.