'അയോധ്യയിലേക്കും അജ്​മീറിലേക്കും വേളാങ്കണ്ണിയിലേക്കും സൗജന്യ യാത്ര നൽകും'; ഗോവക്കാർക്ക്​ കെജ്​രിവാളിന്‍റെ വാഗ്​ദാനം

പനാജി: സൗജന്യ തീർഥാടന യാത്ര വാഗ്​ദാനവുമായി അരവിന്ദ്​ കെജ്​രിവാൾ ഗോവയിൽ. അധികാരത്തിലെത്തിയാൻ ഹിന്ദുക്കൾക്ക്​ അയോധ്യയിലേക്കും ക്രിസ്​ത്യാനികൾക്ക്​ വേളാങ്കണ്ണിയിലേക്കും മുസ്​ലിംകൾക്ക്​ അജ്​മീറിലേക്കും സൗജന്യ തീർഥാടനം നൽകുമെന്ന്​ കെജ്​രിവാൾ മാധ്യമങ്ങളോട്​ പ്രതികരിച്ചു.

''ഞാൻ പുതിയ വാഗ്​ദാനങ്ങൾ നൽകുകയല്ല. ഡൽഹിയിൽ മുഖ്യമന്ത്രിയുടെ പേരിലുള്ള പ്രത്യേക തീർഥാടന പരിപാടി പുരോഗമിക്കുകയാണ്​. മൂന്നുവർഷം മുമ്പ്​ തുടങ്ങിയ ഈ പദ്ധതി കോവിഡിനെതുടർന്നാണ്​​ നിന്നുപോയത്​. ആദ്യ വർഷം തന്നെ 35,000 തീർഥാടകരെ സൗജന്യമായി എത്തിച്ചു. എ.സി ട്രെയിൻ യാത്രയും ഹോട്ടൽ താമസവും അടക്കമാണ്​ തീർഥാടന പാക്കേജ്​''

''ഇതിനുപ​ുറമേ 300 യൂണിറ്റ്​ സൗജന്യ വൈദ്യുതിയും മുടക്കമില്ലാത്ത വൈദ്യുതിയും ഉറപ്പുനൽകുന്നു. ആംആദ്​മി പാർട്ടി ​തൊഴിലുറപ്പ്​ പദ്ധതിയിൽ ഇതിനോടകം 1.2 ലക്ഷം യുവാക്കൾ പേര്​ രജിസ്റ്റർ ചെയ്​തു. ഗോവയിലെ 25 ശതമാനം മുതൽ 30 ശതമാനം വ​െര കുടുംബങ്ങൾ പ്രയോജനം ലഭിക്കുന്നതാണ്​ ഇത്​'' - കെജ്​രിവാൾ പറഞ്ഞു. 2022ലാദ്യം തെരഞ്ഞെടുപ്പ്​ നടക്കുന്ന ഗോവയിൽ വലിയ പ്രതീക്ഷയോടെയാണ്​ ആംആദ്​മി പാർട്ടി ഇട​െപടുന്നത്​.