ഡൽഹി മുഖ്യമന്ത്രി അരവിന്ദ്​ കെജ്​രിവാളിന്​ കോവിഡ്​ ലക്ഷണം

ന്യൂഡൽഹി: കോവിഡ്​ ലക്ഷണങ്ങൾ കണ്ടെത്തിയതിനെ തുടർന്ന്​ മുഖ്യമന്ത്രി അരവിന്ദ്​ കെജ്​രിവാളിനെ​ പരിശോധനക്ക്​ വിധേയനാക്കും. ഞായറാഴ്​ചയാണ്​​ കെജ്​രിവാളിന്​ പനിയും ചുമയും തൊണ്ടവേദനയും അനുഭവപ്പെട്ടത്​. 

ഞായറാഴ്​ച വൈകിട്ട്​ കെജ്​രിവാൾ ഓൺലൈനായി വാർത്ത സമ്മേളനം നടത്തിയിരുന്നു. തുടർന്ന്​ രോഗലക്ഷണങ്ങൾ കണ്ടതിനെ തുടർന്ന്​ വൈകിട്ട്​ നടത്താനിരുന്ന മറ്റു യോഗങ്ങളെല്ലാം റദ്ദാക്കിയിരുന്നു. കോവിഡ്​ ലക്ഷങ്ങളുള്ളതിനാൽ ഇദ്ദേഹം സ്വയം നിരീക്ഷണത്തിൽ പ്രവേശിച്ചു. 

രാജ്യത്ത്​ ഏറ്റവും കൂടുതൽ രോഗബാധിതരുള്ള മൂന്നാമത്തെ സംസ്​ഥാനം ഡൽഹിയാണ്​. 28,936 ​േപർക്കാണ്​ ഇതുവരെ കോവിഡ്​ സ്​ഥിരീകരിച്ചത്​. 812 പേർ മരിക്കുകയും ചെയ്​തു.