300 യൂനിറ്റ്​ സൗജന്യ വൈദ്യുതി; ഉത്തരാഖണ്ഡ്​ തെരഞ്ഞെടുപ്പിനൊരുങ്ങി ആപ്​

ന്യൂഡൽഹി: അധികാരത്തിലെത്തിയാൽ 300 യൂനിറ്റ്​ വൈദ്യുതി സൗജന്യമായി നൽകുമെന്ന്​ പ്രഖ്യാപിച്ച്​ ഉത്തരാഖണ്ഡിൽ തെരഞ്ഞെടുപ്പിനൊരുങ്ങി ആം ആദ്​മി പാർട്ടി. ഡൽഹി മുഖ്യമന്ത്രിയും പാർട്ടി കൺവീനറുമായ അരവിന്ദ്​ കെജ്​രിവാളാണ്​ ഈ വാഗ്​ദാനം നൽകിയത്​. പഴയ വൈദ്യുതി ബില്ലുകളിൽ ഇളവുനൽകും. കർഷകർക്കു സൗജന്യ വൈദ്യുതി ഉറപ്പാക്കും. വൈദ്യുതി മുടക്കമുണ്ടാകില്ല തുടങ്ങിയവയാണ്​ മറ്റ്​ വാഗ്​ദാനങ്ങൾ.

ഡൽഹിയിൽ ഇതു സാധിക്കുമെങ്കിൽ എന്തുകൊണ്ട് ഉത്തരാഖണ്ഡിലും നടപ്പാക്കാനാവില്ലെന്ന്​ കെജ്​രിവാൾ ചോദിച്ചു. വൈദ്യുതി ഉൽപാദിപ്പിക്കുന്ന സംസ്ഥാനമാണു ഡൽഹി. മാത്രമല്ല, മറ്റു സംസ്ഥാനങ്ങൾക്കു നൽകുന്നുണ്ട്​. മുമ്പ്​ ഡൽഹിയിൽ 7-8 മണിക്കൂർ വൈദ്യുതി മുടക്കം പതിവായിരുന്നു. തങ്ങൾ അധികാരത്തിലെത്തിയ ശേഷം അതിനു മാറ്റമുണ്ടാക്കിയെന്നും കെജ്​രിവാൾ ഡെറാഡൂണിൽ മാധ്യമപ്രവർത്തകരോടു പറഞ്ഞു.