ചൈനയിൽ കനത്ത മഴ: ബ്രഹ്​മപുത്രയിൽ വെള്ളപ്പൊക്കത്തിന്​ സാധ്യത; ജാഗ്രതാ നിർ​േദശം

ഗുവാഹത്തി: കനത്ത മഴയെ തുടർന്ന്​ സാങ്​പോ നദിയിലേക്ക്​ ചൈന വെള്ളം തുറന്നു വിടുന്നതിനാൽ അരുണാചൽ പ്രദേശ്​, അസം സംസ്​ഥാനങ്ങളിൽ ജാഗ്രതാ നിർദേശം. സാങ്​പോയിലേക്ക്​ വെള്ളം തുറന്നു വിടുകയാണെന്നും ഇത്​ ബ്രഹ്​മപുത്രയിൽ ജലനിരപ്പ്​ ഉയരുന്നതിനും അരുണാചൽ പ്രദേശിലെ സിയാങ്​ തീരത്തുള്ള മൂന്നു ജില്ലകൾ, അപ്പർ അസം എന്നിവിടങ്ങളിൽ വെള്ളപ്പൊക്കത്തിന്​ സാധ്യതയുണ്ടെന്നും ​ൈചന ഇന്ത്യയെ അറിയിച്ചു. കഴിഞ്ഞ 50 വർഷത്തിനുള്ളിൽ ഏറ്റവും കൂടുതൽ മഴയാണ്​ ചൈനയിൽ ലഭിച്ചിരിക്കുന്നത്​. അതുമൂലം ബ്രഹ്​മപുത്രയിലേക്ക്​ ഒഴുക്കിവിടുന്ന വെള്ളത്തി​​​െൻറ അളവും വർധിച്ചിട്ടുണ്ട്​. 

ടിബറ്റിൽ സാങ്​പോ എന്നറിയപ്പെടുന്ന നദി അരുണാചൽ പ്രദേശിൽ സിയാങ്​ എന്നും അസമിലെത്തു​േമ്പാൾ ബ്രഹ്​മപുത്ര എന്നുമാണ്​ അറിയപ്പെടുന്നത്​. ചൈന സർക്കാറി​​​െൻറ റിപ്പോർട്ട്​ അനുസരിച്ച്​ സാങ്​പോ നിറഞ്ഞൊഴുകുകയാണ്​. 9,020 ക്യുമെക്​സ്​ വെള്ളമാണ്​ വിവിധ ഡിസ്​ചാർജ്​ സ്​റ്റേഷനുകളിൽ നിന്നായി സാങ്​പോയിലേക്ക്​ ഒഴുക്കി വിടുന്നത്​. 

ജനങ്ങൾ പരിഭ്രാന്തരാകേണ്ടതില്ലെന്ന്​ ദിബ്രുഗഡിലുള്ള കേന്ദ്ര ജലവിഭവ മന്ത്രാലയം അറിയിച്ചു. ആഗസ്​റ്റ്​ 14 ന്​ 8070 ക്യുമെക്​ വെള്ളം നദിയിൽ ഒഴുക്കി വിട്ടിരുന്നു.  950 ക്യുമെക്കി​​​െൻറ വർധന വൻ നാശനഷ്​ടങ്ങളുണ്ടാക്കില്ല. സാഹചര്യം നേരിടാനുള്ള എല്ലാ വിധ മുൻകരുതലുകളും സ്വീകരിച്ചിട്ടുണ്ടെന്നും മന്ത്രാലയം അറിയിച്ചു. 

സിയാങ്ങും ബ്രഹ്​മപുത്രയും ഒഴുകുന്ന വഴികളിലുള്ള എല്ലാ ജില്ലകളിലും അലർട്ട്​ പ്രഖ്യാപിച്ചിട്ടുണ്ട്​. അപ്പർ അസമിലെ ലഖിംപൂർ, ദിബ്രുഗഡ്​ ഭരണകൂടങ്ങളിലെ അവധികൾ റദ്ദാക്കിയിട്ടുണ്ട്​. ജനങ്ങളോട്​ നദികളിൽ ഇറങ്ങരുതെന്ന്​ മുന്നറിയിപ്പ്​ നൽകിയിട്ടുണ്ടെന്നും​ അധികൃതർ അറിയിച്ചു.