നോട്ടുമാറ്റം: തീരുമാനം പിൻവലിക്കില്ലെന്ന്​ ജെയ്റ്റ്ലി

ന്യൂഡൽഹി: 1000, 500 നോട്ടുകൾ അസാധുവാക്കിയ തീരുമാനം പിൻവലിക്കുന്ന ​പ്രശ്നമില്ലെന്ന്​ കേന്ദ്ര ധനമന്ത്രി അരുൺ ജെയ്റ്റ്ലി. ഇക്കാര്യം സർക്കാറി​​െൻറ പരിഗണനയിലില്ല. ബാങ്കിലെത്തുന്ന ഉപഭോക്​താക്കളുടെ എണ്ണം നേരത്തെ അപേക്ഷിച്ച്​കുറഞ്ഞു വരികയാണ്. നോട്ടുകൾക്ക്​ യാതൊരു ക്ഷാമവുമില്ല.

നോട്ട്​ അസാധുവാക്കിയ നടപടി സർക്കാറി​െൻറ ശുദ്ധീകരണ ​പ്രക്രിയയാണ്.​ കുറച്ചാളുകൾ ഇതി​​െൻറ പേരിൽ ബുദ്ധിമുട്ടുന്നതിൽ അതിയായ വിഷമമുണ്ട്. കിംവദന്തി പ്രചരിപ്പിക്കുന്നവരിൽ വിശ്വസിക്കരുതെന്നും അവർ തെറ്റായ കാര്യങ്ങൾ പ്രചരിപ്പിക്കുകയാണെന്നും അരുൺ ജെയ്​റ്റ്​ലി പറഞ്ഞു. അനാവശ്യ ഭീതി പരക്കുന്നുണ്ട്​.

എന്നാൽ ചില സംസ്​ഥാനങ്ങളിലെ മുഖ്യമന്ത്രിമാരും ഇതിനൊപ്പം ചേരുമെന്ന്​ താൻ പ്രതീക്ഷിച്ചിരുന്നില്ലെന്നും ജെയ്​റ്റ്​ലി കൂട്ടിച്ചേർത്തു.

നേരത്തെ നോട്ട്​ മരവിപ്പിക്കാനുള്ള തീരുമാനം മൂന്ന്​ ദിവസത്തിനകം പിൻവലിക്കണമെന്ന്​ ഡൽഹി മുഖ്യമന്ത്രി അരവിന്ദ്​ കെജ്​രിവാളും ബംഗാൾ മുഖ്യമന്ത്രി മമതാ ബാനർജിയും ആവശ്യപ്പെട്ടിരുന്നു. ​

നോട്ട്​പിൻവലിക്കലിനെ ഉറി ആക്രമണവുമായി താരതമ്യം ചെയ്ത കോൺഗ്രസ്​ സർക്കാറിനെയും അദ്ദേഹം വിമർശിച്ചു. രാജ്യസഭയിൽ നടന്ന ചർച്ചയിൽ ഉറി ഭീകരാക്രമണത്തില്‍ കൊല്ലപ്പെട്ടവരെക്കാള്‍ കൂടുതല്‍പേര്‍ കേന്ദ്രസര്‍ക്കാര്‍ നോട്ട് പിന്‍വലിച്ച നടപടിയെത്തുടര്‍ന്ന് മരിച്ചുവെന്ന് കോണ്‍ഗ്രസ് നേതാവ് ഗുലാം നബി ആസാദ് പറഞ്ഞിരുന്നു.