അരുൺ ജെയ്​റ്റ്​ലി ചികിത്സക്കായി അമേരിക്കയിലേക്ക്​

ന്യൂഡൽഹി: വൃക്കസംബന്ധമായ അസുഖങ്ങൾക്ക്​ ചികിത്സ തേടുന്നതിനായി ധനമന്ത്രി അരുൺ ജെയ്​റ്റ്​ലി അമേരിക്കയിലേക്ക ് പോയി​. വൃക്കമാറ്റ ശസ്​ത്രക്രിയക്ക്​ വിധേയനായ ജെയ്​റ്റ്​ലി വിദഗ്​ധ ചികിത്സക്കായാണ്​ അമേരിക്കയിലേക്ക്​ പോകുന്നത്​. ഫെബ്രുവരി ഒന്നിന്​ ബജറ്റ്​ അവതരണത്തിന്​ മുമ്പ്​ അദ്ദേഹം തിരിച്ചെത്തും. ജെയ്​റ്റ്​ലി അവതരിപ്പിക്കുന്ന ആറാമത്​ ബജറ്റാണ്​ ഇത്​.

നേരത്തെ ഡൽഹിയിലെ എയിംസ്​ ആശുപത്രിയിലാണ് ജെയ്​റ്റ്​ലി ​ചികിത്സ തേടിയിരുന്നത്​. 2018 മേയ്​ 14 ന്​ അദ്ദേഹം​ വൃക്കമാറ്റിവെക്കൽ ശസ്​ത്രക്രിയക്ക്​ വിധേയനായി​. അന്ന്​ റെയിൽവേ മന്ത്രി പിയൂഷ്​ ഗോയലിനാണ്​ ധനകാര്യ വകുപ്പി​​​​െൻറ അധിക ചുമതല നൽകിയിരുന്നത്​.