മോ​ദി സ​ർ​ക്കാ​റി​ന്‍റെ ഫാ​ഷി​സ്റ്റ്​ സ്വ​ഭാ​വം; ഇ​പ്പോ​ഴ​ത്തെ ച​ർ​ച്ച അ​ട​വു​ന​യ​മോ?

തി​രു​വ​ന​ന്ത​പു​രം: ന​രേ​​ന്ദ്ര മോ​ദി​യു​ടെ നേ​തൃ​ത്വ​ത്തി​ലു​ള്ള ബി.​ജെ.​പി സ​ർ​ക്കാ​ർ ‘ഫാ​ഷി​സ്​​റ്റ്​’ ആ​ണോ അ​ല്ല​യോ എ​ന്ന സ​ന്ദേ​ഹം സി.​പി.​എ​മ്മി​ന്​ പു​തി​യ​ത​ല്ല. മു​ൻ ജ​ന​റ​ൽ​ സെ​ക്ര​ട്ട​റി പ്ര​കാ​ശ്​ കാ​രാ​ട്ട്​ 2016ൽ ​​ദേ​ശീ​യ ദി​ന​പ​ത്ര​ത്തി​ലെ​ഴു​തി​യ ലേ​ഖ​ന​ത്തി​ൽ ഈ ​അ​ഭി​പ്രാ​യം മു​ന്നോ​ട്ടു​വെ​ച്ചി​ട്ടു​ണ്ട്. അ​ന്ന്​ ജ​ന​റ​ൽ സെ​ക്ര​ട്ട​റി​യാ​യി​രു​ന്ന സീ​താ​റാം യെ​ച്ചൂ​രി ഈ ​നി​ല​ക്കു​ള്ള ച​ർ​ച്ച​ക്ക്​ പാ​ർ​ട്ടി​യി​ൽ അ​വ​സ​രം ന​ൽ​കി​യി​ല്ല. യെ​ച്ചൂ​രി​യു​ടെ വേ​ർ​പാ​ടി​നു​​ശേ​ഷം കോ​ഓ​ഡി​നേ​റ്റ​ർ എ​ന്ന നി​ല​യി​ൽ പ്ര​കാ​ശ്​ കാ​രാ​ട്ട്​ ജ​ന​റ​ൽ സെ​ക്ര​ട്ട​റി​യു​ടെ ചു​മ​ത​ല​യി​ലി​രി​ക്കെ​യാ​ണ്​ മോ​ദി സ​ർ​ക്കാ​റി​ന്‍റെ ഫാ​ഷി​സ്റ്റ്​ സ്വ​ഭാ​വം വീ​ണ്ടും ച​ർ​ച്ച​യാ​കു​ന്ന​ത്.

ന​വ ഫാ​ഷി​സ​ത്തി​ല്‍ ഒ​രു വ്യ​ക്ത​ത വ​രു​ത്ത​ണ​മെ​ന്ന​ത് പാ​ര്‍ട്ടി​ക്കു​ള്ളി​ല്‍ ച​ര്‍ച്ച​യാ​യ​തി​ന്റെ ഭാ​ഗ​മാ​യി​ പു​തി​യ രേ​ഖ വ​ന്ന​താ​ണെ​ന്നാ​ണ്​ കേ​ന്ദ്ര ക​മ്മി​റ്റി​യം​ഗം എ.​കെ. ബാ​ല​ൻ വി​ശ​ദീ​ക​രി​ക്കു​ന്ന​ത്. മോ​ദി സ​ര്‍ക്കാ​ര്‍ ഒ​രു ഫാ​സി​സ്റ്റ് സ​ര്‍ക്കാ​റാ​ണെ​ന്ന് പ​റ​ഞ്ഞു​ക​ഴി​ഞ്ഞാ​ല്‍ അ​ത്​ ഫാ​ഷി​സ​ത്തെ സം​ബ​ന്ധി​ച്ച ഞ​ങ്ങ​ളു​ടെ ധാ​ര​ണ​യി​ലെ തെ​റ്റാ​യി മാ​റും. വ​സ്തു​ത വ​സ്തു​ത​യാ​യി​രി​ക്ക​ണം - എ.​കെ. ബാ​ല​ന്‍ പ​റ​ഞ്ഞു. മോ​ദി സ​ർ​ക്കാ​റി​ന്‍റെ ഫാ​ഷി​സ്റ്റ്​ സ്വ​ഭാ​വം സി.​പി.​എം സ്വ​മേ​ധ​യാ ച​ർ​ച്ച​യാ​ക്കു​ന്ന​ത്​ ന്യൂ​ന​പ​ക്ഷ മു​സ്​​ലിം വോ​ട്ടു​ക​ൾ കൈ​വി​ട്ടെ​ന്ന്​ ഉ​റ​പ്പാ​യ സാ​ഹ​ച​ര്യ​ത്തി​ലെ പു​തി​യ അ​ട​വു​ന​യ​മാ​യാ​ണ്​ എ​തി​രാ​ളി​ക​ൾ വി​ല​യി​രു​ത്തു​ന്ന​ത്.

വ​രാ​നി​രി​ക്കു​ന്ന തെ​ര​ഞ്ഞെ​ടു​പ്പി​ൽ, പ്ര​ത്യേ​കി​ച്ച്​ കേ​ര​ള​ത്തി​ൽ സം​ഘ്​​പ​രി​വാ​ർ​ സ്വാ​ധീ​ന​മു​ള്ള ഭൂ​രി​പ​ക്ഷ വോ​ട്ടു​​ബാ​ങ്കി​ൽ ക​ണ്ണു​വെ​ച്ചു​ള്ള നീ​ക്ക​മാ​​ണി​തെ​ന്നാ​ണ്​ അ​വ​രു​ടെ ആ​ക്ഷേ​പം. എ.​ഡി.​ജി.​പി - ആ​ർ.​എ​സ്.​എ​സ്​ കൂ​ടി​ക്കാ​ഴ്ച​യ​ട​ക്കം സി.​പി.​എം - സം​ഘ്​​പ​രി​വാ​ർ അ​ന്താ​ർ​ധാ​ര സം​ബ​ന്ധി​ച്ച വി​വാ​ദ​ങ്ങ​ളു​ടെ തു​ട​ർ​ച്ച​യാ​യും അ​വ​ർ ഈ ​ച​ർ​ച്ച​യെ ചൂ​ണ്ടി​ക്കാ​ട്ടു​ന്നു. പാ​ർ​ട്ടി ക​മ്മി​റ്റി​ക​ളു​ടെ അ​ഭി​പ്രാ​യം അ​റി​യാ​നാ​യി ന​ൽ​കി​യ രേ​ഖ മ​ധു​ര​യി​ൽ ന​ട​ക്കു​ന്ന പാ​ർ​ട്ടി കോ​ൺ​ഗ്ര​സ്​ ച​ർ​ച്ച ചെ​യ്ത്​ അം​ഗീ​ക​രി​ക്കേ​ണ്ട​തു​ണ്ട്.