Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_right‘ദേശവിരുദ്ധത’ ഭൂരിപക്ഷ...

‘ദേശവിരുദ്ധത’ ഭൂരിപക്ഷ പിന്തുണയില്ലാത്ത സർക്കാറി​െൻറ വിചിത്രപദം – അമർത്യസെൻ

text_fields
bookmark_border
‘ദേശവിരുദ്ധത’ ഭൂരിപക്ഷ പിന്തുണയില്ലാത്ത സർക്കാറി​െൻറ വിചിത്രപദം – അമർത്യസെൻ
cancel

ന്യൂഡൽഹി: നരേന്ദ്ര മോദി സർക്കാറിനെതിരെ ശക്​തമായ വിമർശന മുന്നയിച്ച്​ നൊബേൽ സമ്മാന​ ജേതാവും സാമ്പത്തിക ശാസ്​ത്രജ്​ഞനുമായ അമർത്യ​െസൻ. ദേശവിരുദ്ധത എന്നത്​ ഒരു ന്യൂനപക്ഷ സർക്കാറിൽ നിന്ന്​ വരുന്ന വിചിത്രപദമാണ്​.  സർക്കാറി​​െൻറ അധികാരഭാവമാണ്​​ അതുകാണിക്കുന്നത്​​. 31 ശതമാനം വോട്ട്​ പിന്തുണ,​ ബാക്കി 69ശതമാനവും ദേശവിരുദ്ധമാണെന്ന്​ പറയാനുള്ള അംഗീകാരമല്ലെന്നും അദ്ദേഹം പറഞ്ഞു. ത​​െൻറ പുസ്​തകമായ ‘കലക്​ടീവ്​ ചോയ്​സ്​ ആൻറ്​ സോഷ്യൽ വെൽഫെയർ : എക്​സ്​പാൻഡഡ്​ എഡിഷൻ’ പ്രകാശനച്ചടങ്ങിൽ എൻ.ഡി.ടി.വിക്ക് ​നൽകിയ അഭിമുഖത്തിലാണ്​ അമർത്യസെൻ കേന്ദ്രസർക്കാറിനെതിരെ നിശ​ിത വിമർശനമുയർത്തിയത്​. 

ഡൽഹി സർവകലാശാലയിലെ രാംജാസ്​ കോളജിൽ നടന്ന സംഘർഷങ്ങളെയും അമർത്യസെൻ അപലപിച്ചു. രാംജാസ്​കോളജിൽ നടന്നത് ​പൂർണമായും ജനാധിപത്യ വിരുദ്ധമാ​ണ്​. ചർച്ചകൾ തുടങ്ങുന്നതിനു മുമ്പ്​  ഒരു അഭിപ്രായം പറയുന്നത്​പോലും  അപകടകരമാകു​േമ്പാൾ നമുക്ക്​ ഒരു ചർച്ചയും നടത്താനാവില്ല. ജനകീയ വിമർശനം ജനാധിപത്യത്തിൽ നിർണ്ണായകമാണെന്നും അദ്ദേഹം പറഞ്ഞു. 

ഇന്ത്യാ വിരുദ്ധ മുദ്രാവാക്യം വിളിച്ചുവെന്ന്​ ആരോപിക്ക​െപ്പട്ട ജെ.എൻ.യു വിദ്യാർഥി ഉമർ ഖാലിദിനെ രാംജാസ്​ കോളജിലേക്ക്​ ക്ഷണിച്ചതുമായി ബന്ധ​െപ്പട്ടാണ്​ കോളജിൽ അക്രമങ്ങൾ അരങ്ങേറിയത്​. കോളജിനെ ദേശവിരുദ്ധ പ്രവർത്തനങ്ങൾക്കുള്ള കേന്ദ്രമാക്കി മാറ്റാൻ അനുവദിക്കില്ലെന്ന്​ അന്ന്​ മന്ത്രി കിരൺ റിജിജു പറഞ്ഞിരുന്നു.

നോട്ട്​ അസാധുവാക്കൽ തീരുമാനം ഇന്ത്യക്കാകമാനം ഗുണപരമാ​െണന്ന്​ പറയാൻ സാധിക്കില്ല. ഇതി​​െൻറ ഗുണഫലം മിക്കവാറും നിലനിൽക്കുന്നതല്ലെന്നും അമർത്യസെൻ കൂട്ടിച്ചേർത്തു. ഇന്ത്യ സാർവ്വത്രിക പെൻഷനെകുറിച്ച്​ ഗൗരവപരമായി ചിന്തക്കുകയാണോ എന്ന്​ ചോദിച്ചപ്പോൾ, സാർവ്വത്രിക പെൻഷൻ എന്നത്​ ദാരിദ്ര്യം തുടച്ചുനീക്കുന്നതിനുള്ള നല്ല ഉപായമാണെന്ന് ​കരുതുന്നില്ലെന്ന്​ അമർത്യസെൻ മുറപടി നൽകി. അത്​ ഉത്തരവാദിത്തത്തിൽ നിന്ന്​ ഒഴിഞ്ഞുമാറലാണ്​. തെരുവിലെ യാചകന്​ പണം നൽകുന്നതു പോലെയാണത്​​. ‘പ്രശ്​നങ്ങളെകുറിച്ച്​ പറഞ്ഞ്​ ശല്യപ്പെടുത്തരുത് ​പണമിതാ’ എന്നുപറയുന്നതു പോലെയാണ്​ സാർവത്രിക പെൻഷനെന്നും  അദ്ദേഹം കൂട്ടിച്ചേർത്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:anti nationalamartya sendemonetisationmodi govenment
News Summary - Arrogant For 'Minority Government' To Use Term 'Anti-National': Amartya Sen
Next Story