Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightജയിലിൽ കഴിയുന്ന...

ജയിലിൽ കഴിയുന്ന ജെ.എൻ.യു വിദ്യാർഥി യൂനിയൻ മുൻ നേതാവ്​ ഉമർ ഖാലിദിന്​ കോവിഡ്​

text_fields
bookmark_border
Umar Khalid
cancel

ന്യൂഡൽഹി: ജെ.എൻ.യു വിദ്യാർഥി യൂനിയൻ മുൻ നേതാവ്​ ഉമർ ഖാലിദിന്​ കോവിഡ്​ സ്​ഥിരീകരിച്ചു. 2020 ലെ ഡൽഹി കലാപത്തിലെ ഗൂഡാലോചന കുറ്റം ചുമത്തി​ ജയിലിൽ അടച്ചിരിക്കുകയാണ്​ ഉമർ ഖാലിദിനെ.

ശനിയാഴ്ചയാണ്​ രോഗം സ്​ഥിരീകരിച്ചത്​. തുടർന്ന്​ ഡൽഹി തിഹാർ ജയിലിലെ നിരീക്ഷണ കേന്ദ്രത്തിലേക്ക്​ മാറ്റി.

33 കാരനായ ഉമർ ഖാലിദിന്​ കോവിഡ്​ 19 ലക്ഷണങ്ങൾ ശ്രദ്ധയിൽപ്പെട്ടതിനെ തുടർന്ന്​ പരിശോധനക്ക്​ വിധേയമാക്കുകയായിരുന്നു. ആർ.ടി.പി.സി.ആർ പരിശോധനയിൽ രോഗം സ്​ഥിരീകരിച്ചു.

ഡൽഹി കലാപവുമായി ബന്ധപ്പെട്ട ഗൂഡാലോചന കേസിലാണ്​​ ഉമർ ഖാലിദിനെ അറസ്റ്റ്​​ ചെയ്യുന്നത്​​. ഏപ്രിൽ 15ന്​ സെഷൻസ്​ കോടതി അദ്ദേഹത്തിന് ഒരു കേസിൽ​ ജാമ്യം അനുവദിച്ചിരുന്നു. എന്നാൽ യു.എ.പി.എ ചുമത്തിയ കേസുകളിൽ ജാമ്യം ലഭിക്കാത്തതിനാൽ പുറത്തിറങ്ങാനായില്ല.

ഏപ്രിൽ 23 വരെയുള്ള കണക്കുകൾ പ്രകാരം തിഹാർ ജയിലിൽ 227 പേരാണ്​ കോവിഡ്​ ബാധിച്ച്​ ചികിത്സയിലുള്ളത്​. ഇതിൽ 60 ജയിൽ ജീവനക്കാരും ഉൾപ്പെടും.

നിലവിൽ 20,000 തടവുകാരാണ്​ തിഹാർ ജയിലിലുള്ളത്​. കോവിഡ്​ വ്യാപനത്തിന്‍റെ പശ്ചാത്തലത്തിൽ യോഗങ്ങളും കുടുംബാംഗങ്ങളുടെ സന്ദർശനവും ജയിൽ അധികൃതർ നിരോധിച്ചിരുന്നു.​

Show Full Article
TAGS:Umar Khalid JNU student Leader Covid 19 
News Summary - Arrested ex-JNU student Umar Khalid tests positive for coronavirus
Next Story