കന്യാസ്ത്രീകളുടെ അറസ്റ്റ്; പാർലമെന്റിൽ പ്രതിഷേധം തുടരുന്നു

ന്യൂ​ഡ​ൽ​ഹി: ഛത്തി​സ്ഗ​ഢി​ലെ ദു​ർ​ഗി​ൽ ജ​യി​ലി​ൽ ക​ഴി​യു​ന്ന മ​ല​യാ​ളി ക​ന്യാ​സ്ത്രീ​ക​ളാ​യ പ്രീ​തി മേ​രി​യു​ടെ​യും വ​ന്ദ​ന ഫ്രാ​ൻ​സി​സി​ന്റെ​യും മോ​ച​നം ആ​വ​ശ്യ​പ്പെ​ട്ട് പാ​ർ​ല​മെ​ന്റി​ന​ക​ത്തും പു​റ​ത്തും പ്ര​തി​ഷേ​ധം തു​ട​രു​ന്നു. ബു​ധ​നാ​ഴ്ച പാ​ർ​ല​മെ​ന്റി​ൽ ശൂ​ന്യ​വേ​ള​യി​ൽ സം​സാ​രി​ക്കാ​ൻ അ​വ​സ​രം ല​ഭി​ച്ച കെ.​സി. വേ​ണു​ഗോ​പാ​ൽ, ​കൊ​ടി​ക്കു​ന്നി​ൽ സു​രേ​ഷ്, ഹൈ​ബി ഈ​ഡ​ൻ എ​ന്നി​വ​ർ ഛത്തി​സ്ഗ​ഢ് സ​ർ​ക്കാ​റി​ന്റെ ജ​നാ​ധി​പ​ത്യ വി​രു​ദ്ധ ന​ട​പ​ടി ചൂ​ണ്ടി​ക്കാ​ട്ടി. എ​ൻ.​കെ.​ പ്രേ​മ​ച​ന്ദ്ര​ൻ, ഫ്രാ​ൻ​സി​സ് ജോ​ർ​ജ്, ബെ​ന്നി ബ​ഹ​നാ​ൻ അ​ട​ക്ക​മു​ള്ള കേ​ര​ള​ത്തി​ൽ നി​ന്നു​ള്ള എം.​പി​മാ​ർ സം​സാ​രി​ക്കാ​ൻ സ​മ​യം ചോ​ദി​ച്ചെ​ങ്കി​ലും അ​നു​വ​ദി​ച്ചി​ല്ല.

ഉ​ച്ച​ക്ക് 12 മ​ണി​ക്ക് ശൂ​ന്യ​വേ​ള ആ​രം​ഭി​ച്ച​യു​ട​ൻ കെ.​സി. വേ​ണു​ഗോ​പാ​ലി​നാ​ണ് സം​സാ​രി​ക്കാ​ൻ അ​വ​സ​രം ല​ഭി​ച്ച​ത്. രാ​ജ്യ​മൊ​ട്ടു​ക്കും കാ​ൻ​സ​ർ രോ​ഗി​ക​ളെ​യ​ട​ക്കം സം​ര​ക്ഷി​ക്കു​ന്ന, പാ​ലി​യേ​റ്റി​വ് പ്ര​വ​ർ​ത്ത​ന​ങ്ങ​ൾ​ക്കാ​യി ജീ​വി​തം മാ​റ്റി​വെ​ച്ച​വ​രെ​യാ​ണ് ബി.​ജെ.​പി സ​ർ​ക്കാ​ർ ജ​യി​ലി​ൽ അ​ട​ച്ച​തെ​ന്ന് കെ.​സി കു​റ്റ​പ്പെ​ടു​ത്തി. തൊ​ട്ടു​പി​റ​കെ, കൊ​ടി​ക്കു​ന്നി​ൽ സു​രേ​ഷ് എം.​പി​യും ഇ​ക്കാ​ര്യം ചൂ​ണ്ടി​ക്കാ​ട്ടി സം​സാ​രി​ക്കു​ന്ന​തി​നി​ടെ ഛത്തി​സ്ഗ​ഢി​ൽ നി​ന്നു​ള്ള ബി.​ജെ.​പി എം.​പി​മാ​ർ ബ​ഹ​ളം വെ​ച്ച് പ്ര​സം​ഗം ത​ട​​സ്സ​പ്പെ​ടു​ത്താ​ൻ ശ്ര​മി​ച്ചു. ഇ​തോ​ടെ, കേ​ര​ള​ത്തി​ൽ നി​ന്നു​ള്ള എം.​പി​മാ​ർ പ്ര​തി​ഷേ​ധ​വു​മാ​യി സ​ഭ​യു​ടെ ന​ടു​ത്ത​ള​ത്തി​ലി​റ​ങ്ങി പ്ര​തി​ഷേ​ധി​ച്ചു. പി​ന്തു​ണ​യു​മാ​യി മ​റ്റു കോ​ൺ​ഗ്ര​സ് എം.​പി​മാ​രും രം​ഗ​ത്തു​വ​ന്നു.

ഇ​തി​നി​ടെ, ആ​ദി​വാ​സി യു​വ​തി​ക​​ളെ ദാ​രി​ദ്ര്യം മു​ത​ലെ​ടു​ത്ത് മ​റ്റു സ്ഥ​ല​ങ്ങ​ളി​ൽ കൊ​ണ്ടു​പോ​യി മ​ത​പ​രി​വ​ർ​ത്ത​നം ന​ട​ത്തു​ക​യും തൊ​ഴി​ൽ ചൂ​ഷ​ണം ന​ട​ത്തു​ക​യും ചെ​യ്യു​ക​യാ​ണെ​ന്ന് ഛത്തി​സ്ഗ​ഢി​ലെ ബ​സ്ത​റി​ൽ നി​ന്നു​ള്ള ബി.​ജെ.​പി എം.​പി മ​ഹേ​ഷ് ക​ശ്യ​പ് പ​റ​ഞ്ഞ​തോ​ടെ, കേ​ര​ള എം.​പി​മാ​ർ വീ​ണ്ടും ബ​ഹ​ളം വെ​ച്ചു. ഇ​തി​നെ​തി​രെ ക​ഠി​ന ശി​ക്ഷ ന​ൽ​കു​ന്ന പു​തി​യ നി​യ​മം വേ​ണ​മെ​ന്നും എം.​പി ആ​വ​ശ്യ​പ്പെ​ട്ടു. ബ​സ്ത​ർ എം.​പി​യു​ടെ പ്ര​സം​ഗ​ത്തി​ന് സ​ഭ​യി​ലു​ണ്ടാ​യി​രു​ന്ന ബി.​ജെ.​പി അം​ഗ​ങ്ങ​ൾ ഡ​സ്കി​ല​ടി​ച്ച് പി​ന്തു​ണ അ​റി​യി​ച്ചു.

രാ​ജ്യ​സ​ഭ​യി​ൽ ഓ​പ​റേ​ഷ​ൻ സി​ന്ദൂ​ർ ച​ർ​ച്ച​ക്കി​ടെ, ജോ​ൺ ബ്രി​ട്ടാ​സ് എം.​പി​യും ക​ന്യാ​സ്ത്രീ​ക​ളു​ടെ വി​ഷ​യ​മു​ന്ന​യി​ച്ചു. ബു​ധ​നാ​ഴ്ച സ​ഭ ആ​രം​ഭി​ക്കു​ന്ന​തി​ന് മു​മ്പ് പാ​ർ​ല​മെ​ന്റി​ന് പു​റ​ത്ത് ന​ട​ന്ന പ്ര​തി​ഷേ​ധ​ത്തി​ൽ വ​യ​നാ​ട് എം.​പി പ്രി​യ​ങ്ക ഗാ​ന്ധി​യ​ട​ക്കം കേ​ര​ള​ത്തി​ൽ നി​ന്നു​ള്ള എം.​പി​മാ​ർ പ​​ങ്കെ​ടു​ത്തു. സ​ഭ നി​ർ​ത്തി​വെ​ച്ച് വി​ഷ​യം ച​ർ​ച്ച ​ചെ​യ്യ​ണ​മെ​ന്നാ​വ​ശ്യ​പ്പെ​ട്ട് ബെ​ന്നി ബെ​ഹ​നാ​ൻ എം.​പി ലോ​ക്സ​ഭ സ്പീ​ക്ക​ർ​ക്ക് അ​ടി​യ​ന്ത​ര പ്ര​​മേ​യ​ത്തി​ന് നോ​ട്ടീ​സ് ന​ൽ​കി.