Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബ്രഹാംദാഗ്​​...

ബ്രഹാംദാഗ്​​ ബുഗ്​തിയുടെ രാഷ്​ട്രീയ അഭയം; നടപടികൾ തുടങ്ങി

text_fields
bookmark_border
ബ്രഹാംദാഗ്​​ ബുഗ്​തിയുടെ രാഷ്​ട്രീയ അഭയം; നടപടികൾ തുടങ്ങി
cancel

ന്യൂഡൽഹി: ബലൂചിസ്​താനിലെ നേതാവ്​ ബ്രഹാംദാഗ്​​ ബുഗ്​തിയുടെ ഇന്ത്യയിലേക്കുള്ള അഭയവുമായി ബന്ധപ്പെട്ട നടപടികൾ തുടങ്ങിയതായി ആഭ്യന്തര മന്ത്രാലയം വ്യക്​തമാക്കി. ബുഗ്​തിക്ക്​ വേണ്ടിയുള്ള അനുയോജ്യമായ സംവിധാനങ്ങൾ കണ്ടെത്താൻ ശ്രമങ്ങൾ ആരംഭിച്ചിട്ടുണ്ട്​. നടപടികൾ ഏകദേശം പൂർത്തിയായി. ബുഗ്​തിയുടെ സുരക്ഷയുമായി ബന്ധ​പ്പെട്ട കാര്യങ്ങൾ ഗൗരവമായി തന്നെ എടുക്കുമെന്നും മന്ത്രാലയം വ്യക്​തമാക്കി. രാഷ്​ട്രീയ അഭയം കൊടുക്കുന്നതിൽ ഇതിന്​ മുമ്പും ഇന്ത്യക്ക്​ അനുഭവങ്ങളുണ്ടെന്നും മന്ത്രാലയം കൂട്ടിച്ചേർത്തു. 1959 ലായിരുന്നു ദലൈലാമക്ക്​ ഇന്ത്യ രാഷ്​ട്രീയ അഭയം നൽകിയത്​.

 ബലൂചിസ്​താൻ റിപബ്ലിക്കൻ പാർട്ടി (ബി. ആർ.പി) നേതാവാണ്​ ​ ബ്രഹാംദാഗ്​​ ബുഗ്​തി. ബുഗ്​തിക്ക്​ രാഷ്​ട്രീയ അഭയം നൽകുന്ന കാര്യം ഇന്ത്യ പരിഗണിക്കുന്നുണ്ടെന്ന്​ റിപ്പോർട്ടുകളുണ്ടായിരുന്നു. വിദേശത്ത്​ അഭയാർഥികളായി കഴിയുന്ന താനടക്കമുള്ള ബലൂച്​ നേതാക്കൾക്ക്​ യാത്രാ രേഖകൾ ഇല്ലെന്നും, ഇന്ത്യ അഭയം നൽകിയാൽ ചരിത്രപരമായ തീരുമാനമായിരിക്കുമെന്നും അദ്ദേഹം നേരത്തെ ബുഗ്​തി അഭിപ്രായപ്പെട്ടിരുന്നു.

ഇന്ത്യയിൽ രാഷ്​ട്രീയ അഭയം തേടുന്നതിന്​ ഒൗദ്യോഗികമായി അപേക്ഷ നൽകാൻ ജനീവയിൽ ചേർന്ന ബലൂചിസ്​താൻ റിപബ്ലിക്കൻ പാർട്ടി എക്​സിക്യുട്ടീവ്​ കൗൺസിൽ യോഗമാണ്​ ബ്രഹാംദാഗ്​​ ബുഗ്​തിക്ക്​ അനുമതി നൽകിയത്​. 2006 ൽ പാക്​ സൈന്യം നടത്തിയ ആക്രമണത്തിൽ കൊല്ലപ്പെട്ട ബലൂചിസ്​താൻ ദേശീയനേതാവ്​ നവാബ്​ അക്ബര്‍ഖാൻ ബുഗ്തിയുടെ ചെറുമകനാണ്​  ബ്രഹാംദാഗ് ബുഗ്​തി.

അക്ബര്‍ ബുഗ്തിയുടെ കൊലയെ തുടർന്ന്​  ബ്രഹാംദാഗ് ബുഗ്​തി അഫ്​ഗാനിസ്​താനിൽ അഭയംതേടി. ബുഗ്​തി തങ്ങൾ തേടുന്ന കുറ്റവാളിയാണെന്നും അദ്ദേഹത്തെ തിരിച്ചയക്കണമെന്നും ആവശ്യപ്പെട്ട്​ പാകിസ്​താൻ അഫ്​ഗാൻ സർക്കാറിനുമേൽ സമ്മർദം ചെലുത്തിയതിനെ തുടർന്ന്​  ബ്രഹാംദാഗ്​ സ്വിറ്റ്​സർലൻഡിലേക്ക്​ മാറുകയായിരുന്നു.   

 

Show Full Article
TAGS:Brahamdagh Bugti’ baloochistan 
News Summary - Arrangements made for Baloch leader Brahamdagh Bugti’s
Next Story