മഹാരാഷ്​ട്രയിൽ ബഹുനില കെട്ടിടം തകർന്നുവീണു; 70 പേരോളം കുടുങ്ങിയതായി വിവരം

റായ്​ഗഡ്​: മഹാരാഷ്​ട്രയിൽ ബഹുനില കെട്ടിടം തകർന്നു. 15 പേരെ പരിക്കുകളോടെ രക്ഷപ്പെടുത്തി. 70 പേർ കെട്ടിട അവശിഷ്​ടങ്ങൾക്കിടയിൽ കുടുങ്ങി കിടക്കുന്നതായാണ്​ വിവരം. റായ്​ഗഡ്​ ജില്ലയിലാണ്​ സംഭവം.

തിങ്കളാഴ്​ച വൈകി​ട്ടോടെയാണ്​ അപകടം. ധാരാളം കുടുംബങ്ങൾ താമസിക്കുന്ന കെട്ടിടമാണ്​ തകർന്നത്​. സ്​ഥലത്ത്​ ദേശീയ ദുരന്ത നിവാരണ സംഘമെത്തി രക്ഷാപ്രവർത്തനങ്ങൾ ആരംഭിച്ചതായി വാർത്താ ഏജൻസിയായ എ.എൻ.ഐ റിപ്പോർട്ട്​ ചെയ്​തു. കൂടുതൽ വിവരങ്ങൾ ലഭ്യമായിട്ടില്ല.