Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right'ആരും നിന്നെ...

'ആരും നിന്നെ വെടിവെക്കില്ല'; നാടകീയമായ കീഴടങ്ങൽ ദൃശ്യങ്ങൾ പുറത്ത്​ വിട്ട്​ കരസേന

text_fields
bookmark_border
ആരും നിന്നെ വെടിവെക്കില്ല; നാടകീയമായ കീഴടങ്ങൽ ദൃശ്യങ്ങൾ പുറത്ത്​ വിട്ട്​ കരസേന
cancel

ശ്രീനഗർ: ജമ്മുകശ്​മീരിലെ സംയുക്ത ഭീകരവിരുദ്ധ പ്രവർത്തനത്തിനിടെ തീവ്രവാദി സുരക്ഷാ സേനയുടെ മുന്നിൽ കീഴടങ്ങുന്നതി​െൻറ ദൃശ്യങ്ങൾ കരസേന പുറത്തുവിട്ടു. സേനയുടെ തെരച്ചിലിനിടെ അടുത്തിടെ ഭീകരസംഘടനയിൽ ചേർന്ന യുവാവ്​ കീഴടങ്ങാൻ മുന്നോട്ട്​ വരികയായിരുന്നു. ജഗാംഹീർ ഭട്ട്​ എന്ന യുവാവാണ്​ കീഴടങ്ങിയതെന്നാണ്​ റിപ്പോർട്ട്​. ഇയാളിൽ നിന്നും എ.കെ 47 റൈഫിൾ കണ്ടെടുത്തു.

കരസേന പുറത്തുവിട്ട വീഡിയോയിൽ ഒഴിഞ്ഞ പ്രദേശത്ത്​ നിന്നും പാൻറ്​സ്​ മാത്രം ധരിച്ച യുവാവ്​ കൈ ഉയർത്തി നടന്നുവരുന്നത്​ കാണാം. 'മുന്നോട്ട്​ വരൂ, ആരും നിന്നെ വെടിവെക്കില്ല' എന്ന്​ പറഞുകൊണ്ട്​ സൈനിക ഉദ്യോഗസ്ഥൻ അയാളെ അട​ുത്തേക്ക്​ വിളിച്ച്​​ നിലത്തിരുത്തുന്നതും സഹപ്രവർത്തകരോട്​ വെള്ളം നൽകാൻ ആവശ്യപ്പെടുന്നതും കാണാം.

പഴത്തോട്ടത്തിൽ നിന്നുള്ള ദൃശ്യങ്ങളാണ്​ പുറത്തുവന്നിട്ടുള്ളത്​. "മകനേ, നിനക്ക് ഒന്നും സംഭവിക്കില്ല, ആരും നിന്നെ ഉപ്രദവിക്കില്ല''- ഓഫീസർ പറയുന്നു. പിന്നീട്​ ഇയാൾ മറ്റ്​ കാര്യങ്ങൾ ചോദിച്ചറിയുന്നതും സൈനികർ പ്രദേശത്ത്​ തെരച്ചിൽ നടത്തുന്നതും ദൃശ്യത്തിലുണ്ട്​.

കരസേന പുറത്തുവിട്ട മറ്റൊരു വിഡിയോയിൽ, ജഹാംഹീറി​െൻറ പിതാവ്​ മകനെ രക്ഷിച്ചതിന് സുരക്ഷാ സേനയോട് നന്ദി പറയുന്നതും കാണാം. സൈന്യത്തിൽ കീഴടങ്ങിയ മകനെ ആലിംഗനം ചെയ്​ത പിതാവ്​ "അവനെ വീണ്ടും തീവ്രവാദികളോടൊപ്പം പോകാൻ അനുവദിക്കരുത്," എന്ന്​ സൈനിക ഉദ്യോഗസ്ഥനോട്​ ആവശ്യപ്പെടുന്നു.

ചദൂര സ്വദേശിയായ ജഹാംഗീറിനെ ഒക്​ടോബർ 13 നാണ്​ കാണാതായത്. തുടർന്ന്​ പിതാവ്​ പൊലീസിൽ പരാതി നൽകി. അതേദിവസം ഒരു സ്പെഷ്യൽ പൊലീസ് ഓഫീസർ രണ്ട് എകെ -47 റൈഫിളുകളുമായി ഒളിച്ചുകടക്കുകയും ചെയ്​തിരുന്നു. ഇവരെ കണ്ടെത്താൻ​ സൈന്യം സംയുക്ത തെരച്ചിൽ ആരംഭിച്ചിരുന്നു.

ശനിയാഴ്​ച രാവിലെ നടന്ന സംയുക്ത ഓപ്പറേഷനിൽ ജഹാംഹീറിനെ കണ്ടെത്തി. തുടർന്ന്​ ഇയാളെ കീഴടങ്ങാൻ പ്രേരിപ്പിക്കുകയയായിരുന്നുവെന്ന്​ കരസേന പ്രസ്താവനയിൽ പറഞ്ഞു.യുവാക്കളെ ഭീകരത പ്രവർത്തനങ്ങളിൽ നിന്ന്​ തിരികെ കൊണ്ടുവരാനുള്ള ശ്രമങ്ങൾ ഫലം കാണുന്നുണ്ട്​. തീവ്രവാദ നിയമനത്തെ തടയുന്നതിനുള്ള പ്രവർത്തനങ്ങൾ ഇന്ത്യൻ സൈന്യം തുടരുകയാണ്. ഏതെങ്കിലും തരത്തിലുള്ള പ്രേരണമൂലം തീവ്രസംഘടനകളിൽ ചേരുകയാണെങ്കിൽ, അവർക്ക്​ തിരിച്ചുവരാനുള്ള അവസരങ്ങൾ നൽകുന്നുണ്ടെന്നും കരസേന വ്യക്തമാക്കി.

ആഗസ്റ്റിൽ ജമ്മു കശ്മീരിലെ ഷോപിയൻ ജില്ലയിലെ കിലൂറ ഗ്രാമത്തിലുണ്ടായ ഏറ്റുമുട്ടലിനിടെ ഒരു തീവ്രവാദി കീഴടങ്ങിയിരുന്നു. വെടിവെപ്പിൽ അയാൾക്കൊപ്പമുണ്ടായിരുന്ന നാല് പേർ കൊല്ലപ്പെട്ടിരുന്നു.

Show Full Article
TAGS:Terrorist's Surrender Jammu Kashmir Terror attack Army 
Next Story