സൈനിക ഉദ്യോഗാർഥികൾ ട്രെയിൻ ഹൈജാക്ക്​ ചെയ്​തിട്ടും റെയിൽവെക്ക്​​ പരാതിയില്ല

ന്യൂഡൽഹി: സൈനിക റിക്രൂട്ട്​മ​​​െൻറിനെത്തിയ ഉദ്യോഗാർഥികൾ മധ്യപ്രദേശിലെ ഗുണയിൽ ട്രെയിൻ ഹൈജാക്ക്​ ചെയ്​തു. ട്രെയിനി​െല യാത്രക്കാരെ ഉപദ്രവിക്കുകയും റെയിൽവെയുടെ വസ്​തുവകകൾ തകർക്കുകയും ചെയ്​തതായി ആരോപണമുണ്ടെങ്കിലും റെയിൽവെക്ക്​ പരാതിയില്ല. കഴിഞ്ഞ ആഴ്​ച നടന്ന സംഭവം ഇപ്പോഴാണ്​ അധികൃതർ വെളിപ്പെടുത്തിയതെങ്കിലും ആർക്കെതിരെയും ഇതുവ​െര ​റെയിൽവെ െപാലീസ്​ കേസെടുത്തിട്ടില്ല. 

മധ്യപ്രദേശിലെ ഗുണയിൽ ജനുവരി എട്ടു മുതൽ 22 വരെ നടക്കുന്ന സൈനിക റിക്രൂട്ട്​മ​​​െൻറിൽ 60,000 ൽ അധികം ഉദ്യോഗാർഥികളാണ്​ പ​െങ്കടുക്കുന്നതെന്നാണ്​ കണക്ക്​​. ഗുണ-ഗ്വാ​ളിയോർ മേഖലയിൽ നടന്ന റിക്രൂട്ട്​മ​​​െൻറി​നായി റെയിൽവെ പ്രത്യേക സൗകര്യങ്ങളൊന്നും ഒരുക്കിയിരുന്നില്ല. പെ​െട്ടന്നുണ്ടായ യാത്രക്കാരുടെ തിരക്ക്​ നിയന്ത്രിക്കുന്നതിൽ റെയിൽവെ പരാജയപ്പെട്ടിരുന്നു.  

മുഖ്യമന്ത്രി തീർഥ്​ ദർശൻ യോജന പ്രകാരം മധ്യപ്രദേശിലെ ശിവ്​പുരിയിൽ നിന്ന്​ രാമേശ്വരത്തേക്ക്​ പോകുന്ന ട്രെയിനാണ്​ ജനുവരി 11ന്​ ഉദ്യോഗാർഥികൾ ഹൈജാക്ക്​ ചെയ്​തത്​. ട്രെയിൻ ഗുണ സ്​റ്റേഷനിൽ എത്തിയപ്പോൾ ആയിരക്കണക്കിന്​ ഉദ്യോഗാർഥികൾ എഞ്ചിൻ ഡ്രൈവറുടെ കാബിനിലേക്ക്​ ഇരച്ചു കയറി ഭീഷണിപ്പെടുത്തി 100 കിലോമീറ്റർ അകലെയുള്ള ശിവ്​പുരിയി​ലേക്ക്​ ട്രെയിൻ തിരിച്ചു വിടുകയായിരുന്നു എന്നാണ്​ അധികൃതർ പറയുന്നത്​. 

അംഗസംഖ്യ കുറവായതിനാൽ റെയിൽവെ പൊലീസിന്​ ഹൈജാക്കർമാരെ നിയന്ത്രിക്കാനായില്ല. ശിവ്​പുരിയിലേക്ക്​ ട്രെയിൻ ഒാടിക്കാൻ നിർബന്ധിതരായി. എന്നാൽ സംഭവത്തിൽ റെയിൽവെ ആ​ർക്കെതിരെയും പരാതി നൽകുകയോ കേസെടുക്കുകയോ ചെയ്​തിട്ടില്ല. കൂടുതൽ ക്രമസമാധാന പ്രശ്നങ്ങളുണ്ടാകാതെ യാത്ര ഉറപ്പുവരുത്തുക മാത്രമായിരുന്നു തങ്ങളു​െട ലക്ഷ്യമെന്നാണ്​​ ഇതിന്​ അധികൃതർ നൽകുന്ന വിശദീകരണം.  

ഇതുകൂടാതെ ട്രെയിനിൽ യാത്ര ചെയ്​ത ഉദ്യോഗാർഥികളിൽ പലരും ടിക്കറ്റ്​ എടുത്തിരുന്നില്ല. ബലപ്രലയാഗത്തിലൂടെ സീറ്റുകൾ തരപ്പെടുത്തി, എ.സി കോച്ചുകളിലും വനിതാ കംപാർട്ട്​ മ​​​െൻറിലു​െമല്ലാം ബലം പ്ര​യോഗിച്ച്​ കയറിയിരുന്നതായും പരാതിയുണ്ട്​. ഇൗ പരാതികൾ ശരിയാണെന്ന്​ റെയിൽവെ പൊലീസും സമ്മതിച്ചു. എന്നാൽ ഇവരെ കൈകാര്യം ചെയ്യാൻ അംഗസംഖ്യകുറവായതിനാൽ പൊലീസിന്​ സാധിച്ചില്ല. ആ സമയം യാത്രക്കാരുടെ സുരക്ഷക്കായിരുന്നു തങ്ങൾ​ പ്രധാന്യം നൽകിയതെന്നും പൊലീസ്​ പറഞ്ഞു.