കശ്​മീരിൽ ജവാൻ തോക്കിൽ നിന്ന്​ അബദ്ധത്തിൽ വെടിയേറ്റ്​ മരിച്ചു

ശ്രീനഗർ: ജമ്മുകശ്മീരിലെ പൂഞ്ച് ഏരിയയിൽ സൈനികൻ  സർവീസ് തോക്കിൽ നിന്ന് അബദ്ധത്തിൽ വെടിയേറ്റ് മരിച്ചു. പൂഞ്ചിലെ മെഹന്ദർ സെക്ടറിലെ സുരക്ഷാ ഉദ്യോഗസ്ഥനാണ് വെടിയേറ്റ് മരിച്ചത്.

പാകിസ്താൻ വെടിനിർത്തൽ കരാർ ലംഘനം നടത്തിയിട്ടില്ലെന്നും സൈനികൻ സർവീസ് റൈഫിളിൽ നിന്ന് അബദ്ധത്തിൽ വെടിയേറ്റ് മരിക്കുകയായിരുന്നുവെന്നും ഡിഫൻസ് പി.ആർ.ഒ ലഫ്റ്റനൻറ് കേണൽ മനീഷ് മേത്ത അറിയിച്ചു.