ഒന്നര ലക്ഷം സൈനികരെ കുറച്ച്​ ആയുധങ്ങൾ നവീകരിക്കാൻ ഒരുങ്ങി കരസേന

ന്യൂഡൽഹി: സൈനികരുടെ എണ്ണം കുറച്ച്​ പുത്തൻ സാ​േങ്കതിക വിദ്യയുൾക്കൊള്ളുന്ന ആയുധങ്ങളുമായി സ്വയം നവീകരിക്കാൻ കരസേന ഒരുങ്ങുന്നു. 1.5ലക്ഷത്തോളം ​ൈസനികരെ കുറച്ച്​ പകരം സാ​േങ്കതിക വിദ്യകൾ പുതുക്കാനാണ്​ സേനയുടെ ആലോചന. 1.5 ലക്ഷം പേരെ കുറക്കുന്നതിലൂടെ 5000 കോടി മുതൽ 7000 കോടി രൂപ വരെ ലാഭിക്കാമെന്നും ഇൗ തുക ഉപയോഗിച്ച്​ ആയുധങ്ങൾ വാങ്ങാമെന്നുമാണ്​ ​കണക്കുകൂട്ടൽ എന്ന്​ എൻ.ഡി.ടി.വി റിപ്പോർട്ട്​ ചെയ്യുന്നു.

നിലവിൽ സേനയുടെ ആകെ ബജറ്റി​െൻറ 83 ശതമാനവും ( 1.28 ലക്ഷം കോടി രുപ) ദൈന്യംദിന പ്രവർത്തനങ്ങൾക്കും ശമ്പളത്തിനും വേണ്ടിയാണ്​ ചെലവഴിക്കുന്നത്​. സൈനികരു​ടെ പെൻഷൻ തുക കൂടാതെയുള്ള കണക്കാണിത്​. ബജറ്റി​​െൻറ 17 ശതമാനമായ 26,826 കോടി രൂപയാണ്​ പ്രധാന ചെലവുകൾക്ക്​ ഉപയോഗിക്കുന്നത്​. ഇത്​ അപര്യാപ്​തമാണെന്നാണ്​ സേനയു​െട കണ്ടെത്തൽ. അടുത്ത വർഷങ്ങളിൽ ആളുകളെ കുറക്കുന്നതിലൂടെ 7000 കോടി രൂപ വരെ പ്രധാന ചെലവിലേക്ക്​ കണ്ടെത്താമെന്നും ഇതുവഴി മൂലധന ബജറ്റ്​ 31,826 കോടിക്കും 33,826 കോടിക്കുമിടയിൽ എത്തുമെന്നും കരുതുന്നു.

സൈന്യത്തി​​െൻറ 68 ശതമാനം ഉപകരണങ്ങളും പഴക്കമേറിയതാണെന്ന്​ മാർച്ചിൽ സേനയുടെ ഉപമേധാവി ലെഫ്​. ജനറൽ ശരത്​ ചന്ദ്​ പാർലമ​െൻററി പാനലിനെ​ അറിയിച്ചിരുന്നു. 24 ശതമാനം ആയുധങ്ങൾ മാത്രമാണ്​ നിലവിലുള്ളവ. എട്ടു ശതമാനം മാത്രമാണ്​ അത്യാധുനിക ഉപകരണങ്ങളെന്നും സേന സർക്കാറിനെ അറിയിച്ചിട്ടുണ്ട്​. എത്രയും പെ​െട്ടന്ന്​ സേനയെ ആധുനിക വത്​കരിക്കണമെന്നും അതിന്​ അനുവദിക്കുന്ന തുക അപര്യാപ്​തമാണെന്നും ശരത്​ ചന്ദ്​ പാർലമ​െൻററി പാനലിനെ അറിയിച്ചിരുന്നു.

ആളുകളുടെ എണ്ണം കുറക്കുന്നതിനുള്ള ശിപാർശയെ കുറിച്ച്​ ചിന്തിക്കുന്നതേയുള്ളൂവെന്നും നിലവിലുള്ള ആർക്കും ജോലി നഷ്​ടമാകില്ലെന്നും സൈനിക വൃത്തങ്ങൾ പറയുന്നു. സേനയിൽ നിന്ന്​ വർഷം 60,000 പേർ വിരമിക്കുന്നുണ്ട്​. ​ആളുകളുടെ എണ്ണം കുറക്കാനുള്ള തീരുമാനം സ്വീകരിക്കുകയാണെങ്കിൽ വർഷാവർഷം നടക്കുന്ന റിക്രൂട്ട്​മ​െൻറ്​ ഒഴിവാക്കിയാകും പദ്ധതി നടപ്പിലാക്കുക എന്നും ​ൈസനിക വൃത്തങ്ങൾ പറയുന്നു.