സഹപ്രവർത്തക​െൻറ മകളെ ബലാത്സംഗം ചെയ്​ത കേണൽ അറസ്​റ്റിൽ

ഷിംല: സേനയിൽ സഹപ്രവർത്തക​​​െൻറ മകളെ ബലാത്സംഗം ചെയ്​ത കേണൽ അറസ്​റ്റിൽ. ഷിംലയിലെ ആർമി ട്രെയിനിങ്​ കമാൻഡിലെ ലഫ്​റ്റനൻറ്​ കേണലി​​​െൻറ മകളുടെ പരാതിയെ തുടർന്നാണ്​ അറസ്​റ്റ്​. 

തിങ്കളാഴ്​ചയാണ്​ ഔദ്യോഗിക വസതിയില്‍ വച്ച് കേണലും സുഹൃത്തും ചേര്‍ന്ന് ​21 കാരിയായ പെൺകുട്ടിയെ പീഡിപ്പിച്ചത്​.  മോഡലിംഗിൽ താൽപര്യമുള്ള പെൺകുട്ടിയെ ഇൗ മേഖലയിൽ പ്രശസ്തനായ ഒരാള്‍ക്ക് പരിചയപ്പെടുത്താമെന്ന് അറിയിച്ചാണ് 56 കാരനായ കേണൽ വസതിയിലേക്ക്​ വിളിപ്പിച്ചത്​. വീട്ടിലെത്തിയ തന്നെ ബലംപ്രയോഗിച്ച്​ മദ്യം നൽകിയശേഷം കേണലും സുഹൃത്തും ചേർന്ന്​ പീഡിപ്പിക്കുകയായിരുന്നുവെന്ന്​ പെൺകുട്ടി നൽകിയ പരാതിയിൽ പറയുന്നു​. സംഭവം പുറത്തുപറഞ്ഞാല്‍ പിതാവി​​െൻറ ജോലി നഷ്ടപ്പെടുത്തുമെന്ന് പറഞ്ഞ് പെണ്‍കുട്ടിയെ ഭീഷണിപ്പെടുത്തുകയും ചെയ്തു. പരാതിയെ തുടർന്ന്​​ പെൺകുട്ടിയെ വൈദ്യപരിശോധനക്ക്​ വിധേയയാക്കി.

പ്രാഥമിക അന്വേഷണത്തിന്​ ശേഷം ബുധനാഴ്​ചയാണ്​ കേണലി​െന അറസ്​റ്റു ചെയ്​തത്​. കേണലിനെതിരെ കൂട്ടബലാത്സംഗത്തിന്​ കേസെടുത്തതായും ചില നിയമനടപടികൾ പൂർത്തിയാക്കേണ്ടതിനാൽ വ്യക്തിവിവരങ്ങൾ അറിയിക്കാൻ കഴിയില്ലെന്നും പൊലീസ്​ സൂപ്രണ്ട്​ സൗമ്യ സാംബശിവൻ അറിയിച്ചു. കേണലി​​െൻറ സുഹൃത്തിനെ പിടികൂടാനായിട്ടില്ല. ഇയാൾക്കായി തെരച്ചിൽ ഉൗർജിതമാക്കി.