പാക് അധീന കശ്മീരിൽ സൈനിക നീക്കങ്ങൾക്ക് സൈന്യം തയാർ -കരസേനാ മേധാവി

ന്യൂഡൽഹി: പാക് അധീന കശ്മീരിൽ വലിയ സൈനിക നീക്കങ്ങൾക്ക് സൈന്യം തയാറാണെന്ന് കരസേന മേധാവി ജനറൽ മനോജ്​ മുകുന്ദ്​ നരവനെ. ദേശീയ മാധ്യമത്തിന് നൽകിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.

അതിർത്തിയിലുടനീളവും ജമ്മു കശ്മീരിലും സൈന്യത്തെ വിന്യസിച്ചിട്ടുണ്ട്. ഞങ്ങൾക്ക് വിവിധ പദ്ധതികളുണ്ട്. ആവശ്യമെങ്കിൽ ആ പദ്ധതികൾ നടപ്പിലാക്കും -നരവനെ പറഞ്ഞു.

പാക് അധീന കശ്മീർ ഇന്ത്യയുടെ ഭാഗമാണ്. ഒരു ദിവസം പാക് അധീന കശ്മീർ ഞങ്ങളുടെ അധികാര പരിധിയിലാകുമെന്ന് പ്രതീക്ഷിക്കുന്നതായി വിദേശകാര്യ മന്ത്രി എസ്. ജയ്ശങ്കർ സെപ്റ്റംബറിൽ പറഞ്ഞിരുന്നു.