Begin typing your search above and press return to search.
proflie-avatar
Login
exit_to_app
exit_to_app
Rajinikanth and Arjunamurthy
cancel
Homechevron_rightNewschevron_rightIndiachevron_right'രജനിയുടെ രാഷ്​​ട്രീയ...

'രജനിയുടെ രാഷ്​​ട്രീയ ആശയങ്ങൾ നടപ്പാക്കും'; പാർട്ടി പ്രഖ്യാപനവുമായി ഉപദേശകൻ

text_fields
bookmark_border

ചെന്നൈ: രാഷ്​ട്രീയത്തിലേക്കില്ലെന്ന്​ തമിഴ്​ സൂപ്പർ താരം രജനികാന്ത്​ പ്രഖ്യാപിച്ചതിന്​ പിന്നാലെ രാഷ്​ട്രീയ പാർട്ടി പ്രഖ്യാപന സൂചനകളുമായി രജനിയുടെ ആരാധകനും ഉപദേശകനുമായ അർജുനമൂർത്തി. രജനിയുടെ ഫാൻസ്​ അസോസിയേഷനായ രജനി മക്കൾ മൺട്രത്തിന്‍റെ കോഓർഡിനേറ്റർ കൂടിയാണ്​ അദ്ദേഹം. രജനികാന്തിന്‍റെ ആശയങ്ങൾ വഴികാട്ടിയാകുമെന്നും അദ്ദേഹത്തിന്‍റെ ആശയങ്ങളിലൂടെ രാഷ്​ട്രീയ മാറ്റം കൊണ്ടുവരുമെന്നും അർജുനമൂർത്തി പുറത്തിറക്കിയ പ്രസ്​താവനയിൽ പറയുന്നു.

'ഞാൻ അദ്ദേഹത്തിന്‍റെ കാൽപാദം കുമ്പിടും. അദ്ദേഹം എന്നെ ലോകത്തിന്​ മുമ്പിൽ പരിചയപ്പെടുത്തു​േമ്പാൾ എനിക്ക്​ ഒരുപാട്​ ദൂരം യാത്ര ചെയ്യാനാകും. അദ്ദേഹത്തിന്‍റെ സ്വപ്​നം ഞാൻ സാക്ഷാത്​കരിക്കും' -ബി.ജെ.പി ബൗദ്ധിക സെൽ മുൻ തലവൻ കൂടിയായ അർജുനമൂർത്തി പറഞ്ഞു.

രജനിയുടെ ആരാധകരെ അർജുനമൂർത്തി പാർട്ടിയിലേക്ക്​ ക്ഷണിക്കുകയും ചെയ്​തു.

എല്ലാവർക്കും അറിയാം സൂപ്പർസ്​റ്റാൻ രജനികാന്ത്​​ ലോകത്തിന്​ മുമ്പിൽ എന്നെ പരിചയപ്പെടുത്തി. ഡോക്​ടർമാരുടെ നിർദേശപ്രകാരം അ​േദ്ദഹത്തിന്​ രാഷ്​ട്രീയ പാർട്ടി പ്രവർത്തനത്തിലേക്ക്​ ഇറങ്ങാൻ കഴിഞ്ഞില്ല. നിരവധി ആരാധകരേയും ആളുകളെയും പോലെ ഞാനും ഇക്കാര്യത്തിൽ വിഷമിച്ചു. അത്​ നികത്തുന്നതിനായി അദ്ദേഹത്തിന്‍റെ ആശയങ്ങൾ നടപ്പാക്കും -അർജുനമൂർത്തി സാമൂഹികമാധ്യമത്തിൽ കുറിച്ചു.

തൊഴിൽ നൈതികത പരിഗണിച്ച്​ അദ്ദേഹത്തിന്‍റെ പേരോ ചിത്രമോ ഇതിൽ ഉപയോഗിക്കില്ല. ഏതു ഘട്ടത്തിലും രജനികാന്ത്​ മാത്രമായിരിക്കും തലൈവർ. രജനികാന്ത്​ രാഷ്​ട്രീയത്തിൽ ഇല്ലെങ്കിൽ പോലും -അർജുനമൂർത്തി ​കൂട്ടിച്ചേർത്തു.

നേരത്തേ രാഷ്​ട്രീയത്തിലേക്ക്​ ഇറങ്ങുമെന്ന പ്രഖ്യാപനവുമായി രജനികാന്ത്​ രംഗത്തെത്തിയിരുന്നു. എന്നാൽ ആരോഗ്യ പ്ര​ശ്​നങ്ങളെ തുടർന്ന്​ പ്രഖ്യാപനത്തിൽനിന്ന്​ അദ്ദേഹം പിൻമാറുകയായിരുന്നു. ബി​.ജെ.പിയുടെ സെൽ തലവൻ സ്​ഥാനം കഴിഞ്ഞവർഷം ഡിസംബർ മൂന്നിനാണ്​ അർജുനമൂർത്തി ഒഴിയുന്നത്​. ഒരിക്കൽ പത്രസമ്മേളനത്തിൽ പ്രധാനമന്ത്രി നരേന്ദ്രമോദിയും രജനികാന്തും തന്‍റെ രണ്ടു കണ്ണുകളാണെന്ന്​ അർജുനമൂർത്തി പറഞ്ഞിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:RajinikanthArjunamurthy
Next Story