ഞങ്ങൾ സന്യാസികളാണെന്ന് കരുതിയോ? സർക്കാർ രൂപവത്കരിക്കുമെന്ന് യെദ്യൂരപ്പ

ബംഗളൂരു: കർണാടകയിൽ സർക്കാർ രൂപവത്കരണം സ്ഥിരീകരിച്ച് ബി.ജെ.പി സംസ്ഥാന അധ്യക്ഷൻ ബി.എസ്. യെദ്യൂരപ്പ. അവസരം നഷ്ടപ് പെടുത്താൻ ബി.ജെ.പിയിലുള്ളത് സന്യാസികളല്ലെന്നും യെദ്യൂരപ്പ പറഞ്ഞു.

എം.എൽ.എമാരുടെ രാജി നടപടികൾ പൂർത്തീകരിച്ച് സ്പീക്കർ നിലപാടെടുത്ത ശേഷം പാർട്ടി നേതാക്കൾ ചർച്ച ചെയ്ത് കാര്യങ്ങൾ തീരുമാനിക്കും - സർക്കാർ രൂപവത്കരണത്തിനുള്ള തീരുമാനമുണ്ടോയെന്ന ചോദ്യത്തിന് മറുപടിയായി യെദ്യൂരപ്പ പറഞ്ഞു.

ഞങ്ങളുടേത് ഒരു ദേശീയ പാർട്ടിയാണ്. അതിനാൽ ദേശീയ നേതൃത്വവുമായി ചർച്ച ചെയ്ത് വേണം തീരുമാനമെടുക്കാൻ. സഖ്യസർക്കാർ വീഴുമോയെന്ന ചോദ്യത്തിന് മറുപടിയായി കാത്തിരുന്ന് കാണാമെന്നും മുൻ മുഖ്യമന്ത്രി കൂടിയായ യെദ്യൂരപ്പ പറഞ്ഞു.