തെരഞ്ഞെടുപ്പ് കമീഷണറുടെ നിയമനം സുപ്രീം കോടതിയുടെ ശ്രദ്ധയിൽപ്പെടുത്തി പ്രശാന്ത് ഭൂഷൺ; ‘നീതിവ്യവസ്ഥയെ കൊഞ്ഞനം കുത്തുന്നതിന് തുല്യം’

ന്യൂഡൽഹി: തെരഞ്ഞെടുപ്പ് കമീഷണർമാരുടെ നിയമനം സംബന്ധിച്ച കേസ് പരമോന്നത കോടതിയുടെ പരിഗണനയിലിരിക്കെ പുതിയ നിയമനം നടത്തിയ കേന്ദ്ര സർക്കാർ നടപടി സുപ്രീംകോടതിയുടെ ശ്രദ്ധയിൽപ്പെടുത്തി മുതിർന്ന അഭിഭാഷകൻ പ്രശാന്ത് ഭൂഷൺ. നിയമനത്തിനെതിരായ ഹരജികൾ നിലനിൽക്കെ പുതിയ നിയമനം നടത്തിയത് നീതിവ്യവസ്ഥയെ കൊഞ്ഞനംകുത്തുന്നതിന് തുല്യമെന്ന് പ്രശാന്ത് ഭൂഷൺ പരാമർശിച്ചു.

41മതായി പരിഗണിക്കാനിരിക്കുന്ന തെരഞ്ഞെടുപ്പ് കമീഷണർമാരുടെ നിയമന നി​യ​മ​ ഭേ​ദ​ഗ​തി​ കേസ് ആദ്യ കേസുകളുടെ പട്ടികയിൽ ഉൾപ്പെടുത്തണമെന്നും പ്രശാന്ത് ഭൂഷൺ കോടതിയിൽ ആവശ്യപ്പെട്ടു. അതേസമയം, നാളെ ഹരജി കേൾക്കുമ്പോൾ പുതിയ നിയമനം അടക്കമുള്ള കാര്യങ്ങൾ വിശദമായി പരിശോധിക്കാമെന്ന് ജസ്റ്റിസ് സൂര്യകാന്ത് വ്യക്തമാക്കി. കമീഷണർമാരുടെ നിയമനം സംബന്ധിച്ച നിയമഭേ​ദ​ഗ​തി സ്റ്റേ ചെയ്യണമെന്ന ആവശ്യം അംഗീകരിക്കാത്തതിൽ കൃത്യമായ കാരണമുണ്ടെന്ന് വ്യക്തമാക്കിയ ജഡ്ജി, നാളെ കേസ് കേൾക്കുമ്പോൾ വാദമായി ഇക്കാര്യം ഉന്നയിക്കാമെന്നും പറഞ്ഞു.

തെ​ര​ഞ്ഞെ​ടു​പ്പ് ക​മീ​ഷ​ണ​ർ​മാ​രെ തെ​ര​ഞ്ഞെ​ടു​ക്കാ​നു​ള്ള സെ​ല​ക്റ്റ് ക​മ്മി​റ്റി​യു​ടെ ഘ​ട​ന മാ​റ്റി​യ നി​യ​മ​ ഭേ​ദ​ഗ​തി​ക്കെ​തി​രാ​യ ഹ​ര​ജി​ക​ളാണ് സു​പ്രീം​കോ​ട​തി ബുധനാഴ്ച ​പ​രി​ഗ​ണി​ക്കു​ക. തെ​ര​ഞ്ഞെ​ടു​പ്പ് ക​മീ​ഷ​ണ​ർ​മാ​രെ തെ​ര​ഞ്ഞെ​ടു​ക്കാ​നു​ള്ള പ്ര​ധാ​ന​മ​ന്ത്രി അ​ധ്യ​ക്ഷ​നാ​യ സെ​ല​ക്റ്റ് ക​മ്മി​റ്റി​യി​ൽ​ നി​ന്ന് സു​പ്രീം​കോ​ട​തി ചീ​ഫ് ജ​സ്റ്റി​സി​നെ മാ​റ്റി പ​ക​രം ആ​ഭ്യ​ന്ത​ര മ​ന്ത്രി അ​മി​ത് ഷാ​യെ നി​യ​മി​ക്കു​ന്ന​തി​ന് വ​ഴി​വെ​ച്ച നി​യ​മ ​ഭേ​ദ​ഗ​തി​യാണ് ഹരജിക്കാർ ചോദ്യം ചെയ്യുന്നത്.

തെരഞ്ഞെടുപ്പ് കമീഷണർമാരുടെ നിയമനം സംബന്ധിച്ച കേസ് ബുധനാഴ്ച സുപ്രീംകോടതി പരിഗണിക്കാനിരിക്കെയാണ് ഇന്നലെ തി​ര​ക്കി​ട്ട് മൂ​ന്നം​ഗ സെ​ല​ക്റ്റ് ക​മ്മി​റ്റി യോ​ഗം ചേർന്ന് ഗ്യാ​നേ​ഷ് കു​മാറിനെ മു​ഖ്യ​തെ​ര​ഞ്ഞെ​ടു​പ്പ് ക​മീ​ഷ​ണ​റാ​ക്കാൻ കേന്ദ്ര സർക്കാർ തീരുമാനിച്ചത്. മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​ർ രാ​ജീ​വ് കു​മാ​ർ തി​ങ്ക​ളാ​ഴ്ച വി​ര​മി​ച്ച​തി​നെ​ തു​ട​ർ​ന്നാ​ണ് പു​തി​യ ആ​ളെ തെ​ര​ഞ്ഞെ​ടു​ക്കാ​ൻ അ​തേ​ദി​വ​സം പ്ര​ധാ​ന​മ​ന്ത്രി സെ​ല​ക്റ്റ് ക​മ്മി​റ്റി യോ​ഗം വി​ളി​ച്ച​ത്.

കേസ് സുപ്രീംകോടതി പരിഗണിക്കുന്ന പശ്ചാത്തലത്തിൽ മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​റെ തെ​ര​ഞ്ഞെ​ടു​ക്കാ​നു​ള്ള സെ​ല​ക്റ്റ് ക​മ്മി​റ്റി യോ​ഗം മാ​റ്റി​വെ​ക്ക​ണ​മെ​ന്ന് പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി ആ​വ​ശ്യ​പ്പെ​ട്ടിരുന്നു. എന്നാൽ, ആ​വ​ശ്യം ത​ള്ളി​യ പ്ര​ധാ​ന​മ​ന്ത്രി​യും അ​മി​ത് ഷാ​യും രാ​ഹു​ലി​നെ ഇ​രു​ത്തി യോ​ഗ​വു​മാ​യി മു​ന്നോ​ട്ടു​ പോ​വുകയായിരുന്നു.

അതേസമയം, ബി.​ജെ.​പി​യു​ടെ ഇ​ഷ്ട​ഭാ​ജ​ന​മാ​യി കേ​ന്ദ്ര തെ​ര​ഞ്ഞെ​ടു​പ്പ് ക​മീ​ഷ​നി​ലെ​ത്തി​യ ​1988​ലെ ​കേ​ര​ള കേ​ഡ​ർ ഐ.​എ.​എ​സ് ഉ​ദ്യേ​ഗ​സ്ഥ​നാ​യ ഗ്യാ​നേ​ഷ് കു​മാ​ർ സീ​നി​യോ​റി​റ്റി​യു​ടെ അ​ടി​സ്ഥാ​ന​ത്തി​ൽ മു​ഖ്യ​തെ​ര​ഞ്ഞെ​ടു​പ്പ് ക​മീ​ഷ​ണ​റാ​കുമെന്നാണ് വിവരം. അ​മി​ത് ഷാ​ക്ക് കീ​ഴി​ൽ ആ​ഭ്യ​ന്ത​ര മ​ന്ത്രാ​ല​യ​ത്തി​ൽ ക​ശ്മീ​ർ ഡി​വി​ഷ​ൻ ചു​മ​ത​ല​യു​ള്ള ജോ​യ​ന്റ് സെ​ക്ര​ട്ട​റി​യാ​യി​രി​ക്കെ ഗ്യാ​നേ​ഷ് കു​മാ​ർ ജ​മ്മു- ക​ശ്മീ​രി​ന് പ്ര​ത്യേ​ക അ​വ​കാ​ശം അ​നു​വ​ദി​ച്ച ഭ​ര​ണ​ഘ​ട​ന​യു​ടെ 370ാം അ​നു​ച്ഛേ​ദം റ​ദ്ദാ​ക്കി​യ​തി​ൽ നി​ർ​ണാ​യ​ക പ​ങ്കു​വ​ഹി​ച്ച ഐ.​എ.​എ​സ് ഓ​ഫി​സ​റാ​ണ്.

അ​യോ​ധ്യ രാ​മ​ക്ഷേ​ത്ര നി​ർ​മാ​ണ​ത്തി​നു​ള്ള ശ്രീ​രാം ജ​ന്മ​ഭൂ​മി തീ​ർ​ഥ ക്ഷേ​ത്ര ട്ര​സ്റ്റു​ണ്ടാ​ക്കി​യ​തി​ലും നി​ർ​ണാ​യ​ക പ​ങ്കു​വ​ഹി​ച്ചു. 61കാ​ര​നാ​യ ഗ്യാ​നേ​ഷ് കു​മാ​ർ ന്യൂ​ഡ​ൽ​ഹി കേ​ര​ള ഹൗ​സി​ൽ റ​സി​ഡ​ന്റ് ക​മീ​ഷ​ണ​റാ​യി​ട്ടു​ണ്ട്.