ഹിന്ദു പരാമർശം; കെജ്​രിവാളിനെതിരെ കേസ്​

ന്യൂഡൽഹി: ഉ​​ത്ത​​ര്‍പ്ര​​ദേ​​ശി​​ല്‍ ആപ്പിൾ സ്​റ്റോർ മാ​​നേ​​ജ​​റെ വെ​ടി​വെ​ച്ചു​കൊ​ന്ന സംഭവത്തില്‍ ട്വിറ്ററിൽ പ്രതികരിച്ച ഡൽഹി മുഖ്യമന്ത്രിയും ആം ആദ്​മി നേതാവുമായ അരവിന്ദ്​ കെജ്​രിവാളിനെതിരെ ​എഫ്​.​െഎ.ആർ​. ഒരു ഹിന്ദുവായിട്ട്​ കൂടി എന്തുകൊണ്ടാണ്​ വിവേക്​ തിവാരി എന്ന യുവാവ്​ കൊല്ലപ്പെട്ടതെന്നായിരുന്നു കെജ്​രിവാൾ ട്വീറ്റ്​ ചെയ്​തത്​.

എന്തിനാണ്​ വിവേകിനെ കൊന്നത്​? അയാൾ ഒരു ഹിന്ദുവായിരുന്നു. ബി.ജെ.പി നേതാക്കൾ രാജ്യമൊട്ടാകെ ഹിന്ദു പെൺകുട്ടികളെ ബലാത്സംഗം ചെയ്യുകയാണ്​. മനസ്സിലെ തിരശ്ശീല മാറ്റി നോക്ക്​. ഹിന്ദുവി​​​​െൻറ നന്മക്ക്​ വേണ്ടിയുള്ള പാർട്ടിയല്ല ബി.ജെ.പി. ഭരണം പിടിക്കാൻ എല്ലാ ഹിന്ദു​ക്കളെയും കൊല്ലേണ്ടി വന്നാൽ രണ്ട്​ മിനിറ്റ്​ ചിന്തിക്കാൻ പോലും അവർ മെനക്കെടില്ലെന്നും അദ്ദേഹം ട്വിറ്ററിൽ കുറിച്ചു.

അതേസമയം ബി.ജെ.പി നേതാക്കളെ അപകീർത്തിപ്പെടുത്തിയതിനും ജാതി-മത വിഭാഗങ്ങളിൽ ശത്രുത പരത്താൻ ശ്രമിച്ചു എന്നും കാട്ടി​ ബി.ജെ.പിയുടെ ഡൽഹിയിലെ ഒൗദ്യോഗിക വക്​താവായ അശ്വിനി ഉപാധ്യായ് കെജ്​രിവാളിനെതിരെ​ പരാതി നൽകി​.

38കാ​ര​നാ​യ വി​വേ​ക് തി​വാ​രി​ സ​ഞ്ച​രി​ച്ച കാ​ര്‍ പൊ​ലീ​സ് ബൈ​ക്കി​ൽ ഇ​ടി​പ്പി​ച്ച്​ ര​ക്ഷ​പ്പെ​ടാ​ന്‍ ശ്ര​മി​ക്കു​ന്ന​തി​നി​ടെ വെ​ടി​വെ​ച്ച​താ​ണെ​ന്നായിരുന്നു​ ​പൊ​ലീ​സ് ഭാഷ്യം. എന്നാൽ ഇ​ക്കാ​ര്യം കാ​റി​ല്‍ ആപ്പിൾ മാനേജറിന്​​ ഒ​പ്പ​മു​ണ്ടാ​യി​രു​ന്ന​യാ​ള്‍ നി​ഷേ​ധി​ച്ചിരുന്നു. പൊ​ലീ​സു​കാ​രാ​യ പ്ര​ശാ​ന്ത് കു​മാ​റി​നും ഒ​പ്പ​മു​ള്ള സ​ന്ദീ​പ് കു​മാ​റി​നു​മെ​തി​രെ കൊ​ല​ക്കു​റ്റ​ത്തി​ന്​ കേ​സെ​ടു​ത്തിട്ടുണ്ട്​.

विवेक तिवारी तो हिंदू था? फिर उसको इन्होंने क्यों मारा? भाजपा के नेता पूरे देश में हिंदू लड़कियों का रेप करते घूमते हैं?

अपनी आँखों से पर्दा हटाइए। भाजपा हिंदुओं की हितैषी नहीं है। सत्ता पाने के लिए अगर इन्हें सारे हिंदुओं का क़त्ल करना पड़े तो ये दो मिनट नहीं सोचेंगे https://t.co/A2LhxrVNpv

— Arvind Kejriwal (@ArvindKejriwal) September 30, 2018