അലഹബാദ്​ ഹൈകോടതിയിൽ 40 വർഷമായുള്ള അപ്പീലുകൾ ഇനിയും തീർപ്പാക്കിയിട്ടില്ല

ന്യൂഡൽഹി: അലഹബാദ്​ ഹൈകോടതിയിൽ കെട്ടികിടക്കുന്നത്​ 40 വർഷം മുമ്പുള്ള അപ്പീലുകൾ. 1960കളിലും 1970കളുടെ ആദ്യവും രജിസ്​റ്റർ ചെയ്​ത കേസുകളിലെ അപ്പീലുകളാണ്​ ഹൈകോടതിയുടെ പരിഗണനയിൽ ഇപ്പോഴും ഉള്ളത്​. സുപ്രീംകോടതിക്ക്​ സമർപ്പിച്ച റിപ്പോർട്ടിലാണ്​ ഇതുസംബന്ധിച്ച വിവരങ്ങളുള്ളത്​. 

1976ലെ രണ്ട്​ അപ്പീലുകളും 77,78 വർഷങ്ങളി​ൽ സമർപ്പിച്ച 12 അപ്പീലുകളും ഇപ്പോഴും ​ഹൈകോടതിയുടെ പരിഗണനയിലാണ്​. ഏകദേശം 13,600 അപ്പീലുകൾ കഴിഞ്ഞ 30 വർഷമായി വിവിധ ​ഹൈകോടതികളുടെ പരിഗണനയിലുണ്ടെന്ന്​ അറിയു​േമ്പാഴാണ്​ നിലവിൽ രാജ്യ​ത്ത്​ നിലനിൽക്കുന്ന നീതി നിഷേധത്തി​​െൻറ ആഴം വ്യക്​തമാക്കുക.

ക്രിമിനൽ കേസുകളിൽ അതിവേഗത്തിലുള്ള വിചാരണ പൗര​​െൻറ മൗലികാവകാശമാണെന്ന്​ സുപ്രീംകോടതിയുടെ നിരീക്ഷണം ഉണ്ടായിട്ട്​ ദിവസങ്ങൾ കഴിയുന്നതിന്​ മുമ്പാണ്​ അപ്പീലുകൾ കെട്ടികിടക്കുന്നത്​ സംബന്ധിച്ച്​ വാർത്ത പുറത്ത്​ വരുന്നത്​. വിവിധ ഹൈകോടതികളിൽ ജഡ്​ജിമാരുടെ ഒഴിവ്​ നികത്താത്തതാണ്​ നിലവി​ലുള്ള പ്രശ്​നങ്ങൾക്ക്​ കാരണമെന്നാണ്​ റിപ്പോർട്ട്​.