ജയലളിതയുടെ മരണത്തിൽ ജുഡീഷ്യൽ കമീഷൻ മുമ്പാകെ ഹാജരാവില്ലെന്ന്​ അപ്പോളോ ആശുപത്രി

ചെ​ന്നൈ: മു​ൻ മു​ഖ്യ​മ​ന്ത്രി ജ​യ​ല​ളി​ത​യു​ടെ മ​ര​ണ​ത്തി​ലെ ദു​​രൂ​ഹ​ത​യെ​ക്കു​റി​ച്ച്​ അ​ന്വേ​ഷി​ക്കു​ന്ന എ. ​ആ​റു​മു​ഖ​സാ​മി ജു​ഡീ​ഷ്യ​ൽ ക​മീ​ഷ​ന്​ മു​മ്പാ​കെ ഹാ​ജ​രാ​വാ​ൻ ക​ഴി​യി​ല്ലെ​ന്ന്​ ചെ​ന്നൈ അ​പ്പോ​ളോ ആ​ശു​പ​ത്രി അ​ധി​കൃ​ത​ർ സു​പ്രീം​കോ​ട​തി​യെ അ​റി​യി​ച്ചു. ചെ​ന്നൈ അ​പ്പോ​ളോ ആ​ശു​പ​ത്രി​യി​ലാ​ണ്​ ജ​യ​ല​ളി​ത ചി​കി​ത്സ​യി​ൽ ക​ഴി​ഞ്ഞി​രു​ന്ന​ത്.

ജ​യ​ല​ളി​ത​യു​ടെ മ​ര​ണ​ത്തി​ൽ ദു​രൂ​ഹ​ത​ക​ളു​ണ്ടെ​ന്ന്​ ആ​രോ​പ​ണ​മു​യ​ർ​ന്ന സാ​ഹ​ച​ര്യ​ത്തി​ലാ​ണ്​ 2017 സെ​പ്​​റ്റം​ബ​റി​ൽ അ​ണ്ണാ ഡി.​എം.​കെ സ​ർ​ക്കാ​ർ റി​ട്ട. ജ​ഡ്​​ജി ആ​റു​മു​ഖ​സാ​മി​യെ ജു​ഡീ​ഷ്യ​ൽ ക​മീ​ഷ​നാ​യി നി​യ​മി​ച്ച​ത്. ​തെ​ളി​വെ​ടു​പ്പി​െൻറ ഭാ​ഗ​മാ​യി ക​മീ​ഷ​ൻ അ​പ്പോ​ളോ ആ​ശു​പ​ത്രി അ​ധി​കൃ​ത​ർ​ക്ക്​ സ​മ​ൻ​സ്​ അ​യ​ച്ചി​രു​ന്നു.

വി​ശ്വാ​സ്യ​ത ന​ഷ്​​ട​പ്പെ​ട്ട ക​മീ​ഷ​ന്​ മു​മ്പാ​കെ ഹാ​ജ​രാ​വു​ന്ന​തി​ൽ​നി​ന്ന്​ വി​ല​ക്കേ​ർ​പ്പെ​ടു​ത്ത​ണ​െ​മ​ന്നാ​വ​ശ്യ​പ്പെ​ട്ടാ​ണ്​ ആ​ശു​പ​ത്രി മാ​നേ​ജ്​​മെൻറ്​ സു​പ്രീം​കോ​ട​തി​യി​ൽ ഹ​ര​ജി സ​മ​ർ​പ്പി​ച്ച​ത്. ഏ​ക​പ​ക്ഷീ​യ​മാ​യി പ്ര​വ​ർ​ത്തി​ക്കു​ന്ന ക​മീ​ഷ​ന്​ മു​മ്പാ​കെ ബോ​ധി​പ്പി​ക്കു​ന്ന വി​ഷ​യ​ങ്ങ​ൾ ചോ​ർ​ന്നു​പോ​കു​ന്ന​തി​നാ​ൽ ആ​ശു​പ​ത്രി​യു​ടെ സ​ൽ​പ്പേ​രി​ന്​ ദോ​ഷ​മാ​വു​ന്ന​താ​യി​ മാ​നേ​ജ്​​മെൻറ്​ അ​റി​യി​ച്ചു.