പ്രസവ വേദനയിൽ പിടഞ്ഞ സിദ്ധീഖക്ക്​ തുണയായത്​ പൊലീസ്​

വിജയവാഡ: ലോക്​ഡൗൺ കാരണം വാഹനം കിട്ടാ​െത ദുരിതത്തിലായ ഗർഭിണിയെ ആശുപത്രിയിലെത്തിച്ചത്​ ആന്ധ്രാ പൊലീസ്​. ആന് ധ്രപ്രദേശിലെ ഭവാനിപുരം പൊലീസ്​ സ്​റ്റേഷൻ പരിധിയിലാണ്​ സംഭവം. 25 കാരി ശൈഖ്​ സിദ്ദീഖക്കാണ്​ പൊലീസി​​െൻറ സമയോചിത ഇടപെടൽ തുണയായത്​.

ഞായറാഴ്​ച രാവിലെയാണ്​ ഇവർക്ക്​ പ്രസവ വേദന തുടങ്ങിയത്​. ഉടനെ കുടുംബാംഗങ്ങൾ ടാക്​സി വാഹനങ്ങൾക്കായി അന്വേഷിച്ചു. എന്നാൽ, ലോക്​ഡൗൺ കാരണം ഒരു വാഹനവും കിട്ടിയില്ല. പിന്നീട്​, വേദന അസഹനീയമായപ്പോൾ സഹായമന്വേഷിച്ച്​ പൊലീസിനെ തന്നെ വിളിക്കുകയായിരുന്നു.

വിവരമറിഞ്ഞ ഉടൻ സർക്കിൾ ഇൻസ്​പെക്​ടറുടെ ​നേതൃത്വത്തിൽ പൊലീസ്​ അവിടെയെത്തി. സിദ്ധീഖയെ പൊലീസ്​ വാഹനത്തിൽ തന്നെ സമീപത്തെ സ്വകാര്യ ആശുപത്രിയിലെത്തിക്കുകയും ചെയ്​തു.