ബി.ജെ.പിയെ എതിർക്കുന്നവരെ അർബൻ നക്​സലുകളാക്കുന്നു -രാഹുൽ ഗാന്ധി

ന്യൂഡൽഹി: ബി.ജെ.പിയെ എതിർക്കുന്നവരെ അർബൻ നക്​സലുകളാക്കുകയാണെന്ന്​ കോൺഗ്രസ്​ നേതാവ്​ രാഹുൽ ഗാന്ധി. ഭീമ കൊറേ ഗാവ്​ കേസ്​ എൻ.ഐ.എ​ ഏറ്റെടുത്ത നടപടിയേയും രാഹുൽ ഗാന്ധി വിമർശിച്ചു.

കേന്ദ്രസർക്കാറി​​​െൻറ ശിങ്കിടികളായ എൻ.ഐ.എക്ക്​ പ്രതിരോധങ്ങളെ ഇല്ലാതാക്കാനാവില്ല. നരേന്ദ്ര മോദിയുടെയും അമിത്​ ഷായുടെയും വെറുപ്പി​​​െൻറ നയങ്ങളെ എതിർക്കുന്നവരെയാണ്​ ഇപ്പോൾ അർബൻ നക്​സലുകളാക്കുന്നതെന്നും രാഹുൽ കുറ്റപ്പെടുത്തി.

2018ൽ നടന്ന ഭീമ കൊറേഗാവ്​ സംഘർഷത്തി​​​െൻറ അന്വേഷണം വെള്ളിയാഴ്​ചയാണ്​ എൻ.ഐ.എ ഏറ്റെടുത്തത്​. സംഘർഷവുമായി ബന്ധപ്പെട്ട കേസുകൾ പിൻവലിക്കാൻ മഹാരാഷ്​ട്ര നീക്കം നടത്തുന്നതിനിടെയാണ്​ എൻ.ഐ.എ കേസ്​ ഏറ്റെടുത്തത്​.