സർക്കാറിനെ വിമർശിക്കുന്നവരെ രാജ്യദ്രോഹികളെന്ന് മുദ്ര കുത്തുന്നു -ഷബാന ആസ്മി
text_fields
ഇൻഡോർ: സർക്കാറിനെ വിമർശിക്കുന്നവരെയെല്ലാം രാജ്യേദ്രാഹികളായി മുദ്ര കുത്തുകയാണെന്ന് ബോളിവുഡ് നടി ഷബാന ആസ്മി. ഇൻഡോറിൽ ആനന്ദ് മോഹൻ മാത്തുർ ചാരിറ്റബ്ൾ ട്രസ്റ്റ് ഏർപ്പെടുത്തിയ കുന്തി മാത്തുർ പുരസ്കാരം ഏറ്റുവാങ്ങുകയായിരുന്നു അവർ.
‘‘നമ്മുടെ തെറ്റുകളേയും കുറ്റങ്ങളേയും ചൂണ്ടിക്കാണിക്കേണ്ടത് നമ്മുടെ രാജ്യത്തിൻെറ പുരോഗതിക്ക് ആവശ്യമാണ്. അങ്ങനെ ചെയ്തില്ലെങ്കിൽ എങ്ങനെ നമ്മുടെ സ്ഥിതി മെച്ചപ്പെടും. എന്നാൽ സർക്കാറിനെ വിമർശിച്ചാൽ നാം രാജ്യദ്രോഹികളായി മുദ്ര കുത്തപ്പെടുന്ന സാഹചര്യമാണിപ്പോൾ. ഭയപ്പെടാൻ പാടില്ല, ആർക്കും അവരുടെ സർട്ടിഫിക്കറ്റ് ആവശ്യമില്ല.’’-രാഷ്ട്രീയ പാർട്ടികളുടെയൊന്നും പേരെടുത്തു പറയാതെ ഷബാന ആസ്മി അഭിപ്രായപ്പെട്ടു.
ഈ സാഹചര്യത്തോട് നാം പോരാടണം. അതിനു മുന്നിൽ മുട്ട് വളക്കരുത്. മനോഹരമായ രാജ്യമാണ് ഇന്ത്യയെന്നും ജനങ്ങളെ ഭിന്നിപ്പിക്കാനുള്ള ഏത് ശ്രമവും രാജ്യത്തിന് ഗുണകരമല്ലെന്നും അവർ പറഞ്ഞു.
