You are here

സി.എ.എ ​പ്രതിഷേധത്തിന്​ പിന്തുണയുമായി അനുരാഗ്​ കശ്യപ്​ ജാമിഅയിൽ

19:54 PM
14/02/2020
anurag-kashyap-161219.jpg

ന്യൂഡൽഹി: പൗരത്വ ഭേദഗതി നിയമത്തിനെതിരായി നടക്കുന്ന പ്രതിഷേധങ്ങൾക്ക്​ പിന്തുണയും ഐക്യദാർഢ്യവും പ്രഖ്യാപിച്ച്​ പ്രമുഖ ബോളിവുഡ്​ സംവിധായകൻ അനുരാഗ്​ കശ്യപ്​ ഡൽഹി ജാമിഅ മില്ലിയ്യ സർവകലാശാലയിൽ. വിദ്യാർഥികളുടെ പ്രതിഷേധ പരിപാടിയിൽ പ​ങ്കെടുത്ത അദ്ദേഹം പ്രതീക്ഷ കൈവിടരുതെന്ന്​ ആവശ്യപ്പെട്ടു. 

നമ്മുടെ രാജ്യത്തെയും ഭരണഘടനയെയും തിരിച്ചുപിടിക്കേണ്ടതു​ണ്ട്​. അക്രമമല്ല, ക്ഷമ കൊണ്ടാണ്​ പോ​രാടേണ്ടത്​. ഇതൊരു നീണ്ട പോരാട്ടമാണ്​. ​ഒന്നോ രണ്ടോ ദിവസം മതിയാവില്ല. നമ്മുടെ ചോദ്യത്തിന്​ ഉത്തരം കിട്ടുംവരെ ശക്തമായി പോരാട്ടം തുടരണം.

പൗരത്വ ഭേദഗതി നിയമത്തിനെതിരായ പോരാട്ടത്തിൽ നിങ്ങൾ ഒറ്റക്കല്ല. ഞങ്ങളെല്ലാം ഒപ്പമുണ്ട്​. മറ്റുള്ളവർ എന്തുകൊണ്ടാണ്​ പ്രതിഷേധത്തിൽ പ​ങ്കെടുക്കാത്തതെന്ന്​ നിങ്ങൾ സംശയിക്കുന്നുണ്ടാവാം. എന്നാൽ അവർ നിശബ്​ദമായി നിങ്ങളെ പിന്തുണക്കുന്നുണ്ടെന്നും അദ്ദേഹം വിദ്യാർഥികളോട് പറഞ്ഞു. 

Loading...
COMMENTS