സ്​റ്റാലി​െൻറ സെക്രട്ടറിയായി പാലാ സ്വദേശിനി അനു ജോർജ്​ ഐ.എ.എസ്​

ചെന്നൈ: തമിഴ്​നാട്​ മുഖ്യമന്ത്രിയായി അധികാരമേറ്റ സ്​റ്റാലി​െൻറ വിശ്വസ്​ത സെക്രട്ടറിമാരിൽ മലയാളി ഉദ്യോഗസ്​ഥയും. തമിഴ്​നാട്​ വ്യവസായ വാണിജ്യ വകുപ്പ്​ കമീഷണറായ കോട്ടയം പാലാ പൂവരണി സ്വദേശിനി അനു ജോർജാണ്​ മുഖ്യമന്ത്രിയുടെ ഒാഫിസ്​ സംഘത്തിലുൾപ്പെട്ടത്​. സെക്രട്ടറി പദവിയിലാണ്​ നിയമനം.

തിരുവനന്തപുരം വിമൻസ്​ കോളജിൽനിന്ന്​ ഇംഗ്ലീഷ്​ സാഹിത്യത്തിൽ ബിരുദം നേടിയ അനു ജെ.എൻ.യുവിൽനിന്ന്​ സോഷ്യോളജിയിൽ ബിരുദാനന്തര ബിരുദവും എം.ഫില്ലും നേടി. 2002ൽ ഇന്ത്യ റവന്യു സർവിസ്​ നേടി. 2003ൽ 25ാം റാ​േങ്കാടെയാണ്​ ​െഎ.എ.എസ്​ കരസ്​ഥമാക്കിയത്​.

കടലൂർ, തിരുപ്പത്തൂർ, അരിയല്ലൂർ കലക്​ടറായും ചെന്നൈയിൽ പ്രോ​േട്ടാക്കോൾ ഒാഫിസറായും പൊതുമരാമത്ത്​ വകുപ്പ്​ ജോയൻറ്​ സെക്രട്ടറിയായും സേവനമനുഷ്​ഠിച്ചിട്ടുണ്ട്​. ​െഎ.ടി ഉദ്യോഗസ്​ഥനായ തോമസ്​ ജോസഫാണ്​ ഭർത്താവ്​.

അരിയല്ലൂരിൽ ജില്ല കലക്​ടറായിരിക്കെ അംഗൻവാടി- പോഷകാഹാര കേന്ദ്രങ്ങളിലെ നിയമനങ്ങളിൽ അന്നത്തെ അണ്ണാ ഡി.എം.കെ മന്ത്രിമാരുടെ സമ്മർദങ്ങളെ അവഗണിച്ച്​ അർഹതപ്പെട്ടവർക്ക്​ നിയമനം നൽകി.

അധ്യാപക നിയമനങ്ങളിലെ ക്രമക്കേടുകൾ കണ്ടെത്തി ബന്ധ​െപ്പട്ട ഉദ്യോഗസ്​ഥരെ സർവിസിൽനിന്ന്​ സസ്​പെൻഡ്​ ചെയ്​തതിനെ തുടർന്ന്​ ​ സ്​ഥലംമാറ്റപ്പെട്ടു. ചെന്നൈ മറിനബീച്ചിൽ മുൻ മുഖ്യമന്ത്രി എം. കരുണാനിധിയുടെ മരണാനന്തര ചടങ്ങുകൾക്ക്​ നേതൃത്വം നൽകിയ ​െഎ.എ.എസ്​ ഉദ്യോഗസ്​ഥരിൽ ഒരാളായിരുന്നു. അനുജോർജ്​ ഉൾപ്പെടെ നാലു​ സെക്രട്ടറിമാരെ കൂടി നിയമിക്കുകയായിരുന്നു. സഹപാഠിയായിരുന്ന അനുജോർജിനെ ആറൻമുള എം.എൽ.എ വീണ ജോർജ്​ ഫോസ്​ബുക്കിൽ അഭിനന്ദിച്ചു.