ജയിപ്പിച്ചാൽ ബംഗാളിൽ 'ആന്‍റി റോമിയോ സ്​ക്വാഡ്​' കൊണ്ടുവരുമെന്ന്​ യോഗി; രൂക്ഷ പ്രതികരണവുമായി മഹുവ മൊയ്​ത്രയും തരൂരും

കൊൽക്കത്ത: ബംഗാളിൽ ബി.ജെ.പി വിജയിച്ച്​ അധികാരത്തിലേറിയാൽ സംസ്ഥാനത്തെ സ്ത്രീ​ സുരക്ഷയ്​ക്കായി 'ആന്‍റി റോമിയോ സ്​ക്വാഡ്​' രൂപീകരിക്കമെന്ന്​​ ഉത്തർപ്രദേശ്​ മുഖ്യമന്ത്രിയും ബി.ജെ.പി നേതാവുമായ യോഗി ആദിത്യനാഥ്​ പറഞ്ഞിരുന്നു. തൃണമൂൽ സർക്കാരിന്​ കീഴിൽ ബംഗാളിലെ സ്​ത്രീകൾ സുരക്ഷിതരല്ലെന്നാണ്​ യോഗി അവകാശപ്പെടുന്നത്​. കേരളത്തിൽ തെരഞ്ഞെടുപ്പ്​ പ്രചാരണത്തിനെത്തിയപ്പോൾ 'ലൗ ജിഹാദാ'യിരുന്നു യോഗി ഉയർത്തിക്കാട്ടിയത്​.

'ബംഗാളില്‍ സ്ത്രീകള്‍ സുരക്ഷിതരല്ലാത്തത് എന്തുകൊണ്ടാണ്..? ഞങ്ങള്‍ അധികാരത്തിലേറിയാൽ പെണ്‍കുട്ടികളുടെ വിദ്യാഭ്യാസവും യാത്രയും സൗജന്യമാക്കും. പെണ്‍കുട്ടികളുടെ സ്‌കൂളിന് ചുറ്റും കറങ്ങി നടക്കുന്നവരെ തുരത്താനായി ആൻറി റോമിയോ സ്​ക്വാഡും രൂപീകരിക്കും. -യോഗി പറഞ്ഞു. യോ​ഗി അധികാരമേറ്റെടുത്ത ശേഷം സ്ത്രീ സുരക്ഷക്ക് എന്ന പേരിൽ 2017ല്‍ ഉത്തര്‍പ്രദേശില്‍ രൂപീകരിച്ചതായിരുന്നു ആന്‍റി റോമിയോ സ്ക്വാഡ്.

എന്നാൽ, യോഗിയുടെ വിചിത്രമായ അവകാശവാദങ്ങളോട്​ രൂക്ഷമായാണ്​ കോൺഗ്രസ്​​ എംപിയായ​ ശശി തരൂരും തൃണമൂൽ എംപിയായ മഹുവ മൊയ്​ത്രയും പ്രതികരിച്ചത്​. 'അജയ്​ ബിഷ്​ട്​ അഥവാ യോഗി ആദിത്യനാഥിൽ നിന്നുള്ള ഏറ്റവും പുതിയത്​. ''ബംഗാളിൽ ബി.ജെ.പി അധികാരത്തിലേറിയാൽ സത്രീ സുരക്ഷയ്​ക്കായി 'ആന്‍റി റോമിയോ സ്​ക്വാഡ്​' രൂപീകരിക്കും'' ഗുഡ്ഡുജി - നിങ്ങളുടെ രോഗത്തിൽ നിന്നും വ്യത്യസ്​തമായി ഞങ്ങൾ ബംഗാളികൾ ഹൃദയം കൊണ്ട്​ കാമുകീ-കാമുകൻമാരാണ്​. ഞങ്ങളുടെ സംഗീതം, കവിത, മധുരപലഹാരങ്ങൾ എന്നിവ ഇഷ്​ടപ്പെടുന്നതിനോടൊപ്പം ഞങ്ങളുടെ റോമിയോകളെയും ഞങ്ങൾ സ്​നേഹിക്കുന്നു. -മഹുവ മൊയ്​ത്ര ട്വീറ്റ്​ ചെയ്​തു.

Latest from Ajay Bisht aka YogiCM:
"Anti-Romeo squads in Bengal if BJP is voted in"

Gudduji- Unlike your ilk, we Bengalis are lovers at heart!

We like our music, our poetry, our mishti & yes, our Romeos too!

— Mahua Moitra (@MahuaMoitra) April 8, 2021

ഈ മുഖ്യമന്ത്രിയുടെ ദുർഭരണകാലത്തെ ഒരേയൊരു നേട്ടം വിഡ്ഡിത്തങ്ങൾക്ക്​ നിയമസാധുത നൽകലാണ്​. ഇപ്പോൾ മറ്റൊരു സംസ്ഥാനത്തും​ സാമൂഹികവും ലൈംഗികവുമായ ഉപദ്രവങ്ങൾക്ക്​ ഔദ്യോഗിക അനുമതി നൽകാനാണ്​ അയാൾ ആഗ്രഹിക്കുന്നത്​. പാഠം വ്യക്​തമാണ്​. ബി.ജെ.പിയെ തെരഞ്ഞെടുക്കുക.. ഗുണ്ടാരാജ്​ നേടുക. ബംഗാളിലെ വോട്ടർമാർക്ക്​ മുന്നറിയിപ്പ്​ നൽകുന്നു. -ശശി തരൂർ ട്വിറ്ററിൽ കുറിച്ചു.

The legitimisation of lumpen conduct is the only achievement of this chief minister in his own tenure of misgovernance. Now he wants to give official sanction to social&sexual harassment in another state. The lesson is clear: elect BJP, get Goonda Raj. Bengal's voters are warned. pic.twitter.com/rdOLNQz9xQ

— Shashi Tharoor (@ShashiTharoor) April 9, 2021