രാജ്യവിരുദ്ധ പരാമർശം: അസമിൽ മൂന്നുപേരും മേ​ഘാ​ല​യ​യി​ൽ ര​ണ്ടു​പേ​രും അ​റ​സ്റ്റി​ൽ

ഗു​വാ​ഹ​തി: പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​ന്‍റെ പ​ശ്ചാ​ത്ത​ല​ത്തി​ൽ രാ​ജ്യ​വി​രു​ദ്ധ പ​രാ​മ​ർ​ശം ന​ട​ത്തി​യ മൂ​ന്നു​പേ​ർ​കൂ​ടി അ​സ​മി​ൽ അ​റ​സ്റ്റി​ലാ​യി. ഇ​തോ​ടെ കേ​സി​ൽ അ​റ​സ്റ്റി​ലാ​യ​വ​രു​ടെ എ​ണ്ണം 68 ആ​യ​താ​യി മു​ഖ്യ​മ​ന്ത്രി ഹി​മ​ന്ത ബി​ശ്വ ശ​ർ​മ പ​റ​ഞ്ഞു. അ​റ​സ്റ്റി​ലാ​യ​വ​രി​ൽ പ്ര​തി​പ​ക്ഷ എ.​ഐ.​യു.​ഡി.​എ​ഫ് എം.​എ​ൽ.​എ അ​മീ​നു​ൽ ഇ​സ്‍ലാ​മും ഉ​ൾ​പ്പെ​ടു​ന്നു. സം​സ്ഥാ​ന വ്യാ​പ​ക​മാ​യി രാ​ജ്യ​ദ്രോ​ഹി​ക​ൾ​ക്കെ​തി​രാ​യ ന​ട​പ​ടി തു​ട​രു​മെ​ന്ന് ബി​ശ്വ ശ​ർ​മ അ​റ​യി​ച്ചി​രു​ന്നു.

മേ​ഘാ​ല​യ​യി​ലെ നോ​ർ​ത്ത് ഗാ​രോ ഹി​ൽ​സ് ജി​ല്ല​യി​ൽ സ​മൂ​ഹ മാ​ധ്യ​മ​ങ്ങ​ളി​ലൂ​ടെ രാ​ജ്യ​വി​രു​ദ്ധ പ​രാ​മ​ർ​ശം ന​ട​ത്തി​യ ര​ണ്ടു​പേ​രെ അ​റ​സ്റ്റ് ചെ​യ്ത​താ​യി അ​ധി​കൃ​ത​ർ അ​റി​യി​ച്ചു. പ്ര​തി​ക​ൾ ഇ​ന്ത്യ വി​രു​ദ്ധ മു​ദ്രാ​വാ​ക്യ​ങ്ങ​ളും പാ​ക് അ​നു​കൂ​ല പ​രാ​മ​ർ​ശ​വും ന​ട​ത്തു​ന്ന വി​ഡി​യോ ഫേ​സ്ബു​ക്കി​ൽ പ​ങ്കു​വെ​ച്ച​തി​നെ തു​ട​ർ​ന്നാ​ണ് അ​റ​സ്റ്റ്. നേ​ര​ത്തേ ഈ​സ്റ്റ് ഖാ​സി ജി​ല്ല​യി​ൽ​നി​ന്ന് ഒ​രാ​ളെ പൊ​ലീ​സ് അ​റ​സ്റ്റ് ചെ​യ്തി​രു​ന്നു.