Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightസെപ്​തംബർ 25 മുതൽ...

സെപ്​തംബർ 25 മുതൽ വീണ്ടും ലോക്​ഡൗൺ?വാർത്തയിലെ സത്യം ഇതാണ്​

text_fields
bookmark_border
സെപ്​തംബർ 25 മുതൽ വീണ്ടും ലോക്​ഡൗൺ?വാർത്തയിലെ സത്യം ഇതാണ്​
cancel

ഡൽഹി: സൈബർ ലോകത്ത്​ പ്രചരിക്കുന്ന കോവിഡ്​ വാർത്തയിലെ സത്യം വെളിപ്പെടുത്തി പ്രസ് ഇൻഫർമേഷൻ ബ്യൂറോ. കൊവിഡ്​ വൈറസ് കേസുകൾ വർധിച്ചതിനാൽ സെപ്റ്റംബർ 25 മുതൽ രാജ്യത്ത് വീണ്ടും ലോക്​ഡൗൺ പ്രഖ്യാപിക്കുമെന്ന വാർത്തയുടെ നിജസ്​ഥിതിയാണ്​ പി.​െഎ.ബി വെളി​പ്പെടുത്തിയത്​. നാഷണൽ ഡിസാസ്റ്റർ മാനേജ്‌മെൻറ്​ അതോറിറ്റി പുറപ്പെടുവിച്ച ലോക്​ഡൗൺ ഉത്തരവി​െൻറ കോപ്പിയെന്ന പേരിൽ ഒരു കടലാസും പ്രചരിച്ചിരുന്നു.

എന്നാലീ വാർത്ത വ്യാജമാണെന്ന്​ പ്രസ് ഇൻഫർമേഷൻ ബ്യൂറോ അറിയിച്ചു. 'കോവിഡ് -19 ​െൻറ വ്യാപനം നിയന്ത്രിക്കുന്നതിനും മരണനിരക്ക് കുറയ്ക്കുന്നതിനുമായി ദേശീയ ദുരന്ത നിവാരണ അതോറിറ്റിയും ആസൂത്രണ കമ്മീഷനും സർക്കാരിനോട് 46 ദിവസത്തെ ലോക്​ഡൗണിന്​ ശിപാർശ​െചയ്​തു. 2020 സെപ്റ്റംബർ 25 അർദ്ധരാത്രി മുതൽ രാജ്യവ്യാപകമായി വീണ്ടും ലോക്​ഡൗൺ ഏർപ്പെടുത്തും.രാജ്യത്ത് അവശ്യവസ്തുക്കളുടെ വിതരണ ശൃംഖല സജീവമാക്കാനുള്ള നിർദേശം എൻ‌ഡി‌എം‌എ മന്ത്രാലയത്തിന് നൽകി'-സെപ്റ്റംബർ 10 എന്ന്​ ഡേറ്റിട്ട വ്യാജ ഉത്തരവിൽ ഇതാണ്​ പറഞ്ഞിരുന്നത്​.

പ്രചരിക്കുന്ന ഇൗ ഉത്തരവ് വ്യാജമാണെന്ന് പ്രസ് ഇൻഫർമേഷൻ ബ്യൂറോ ഒൗദ്യോഗിക ട്വീറ്റിൽ വ്യക്​തമാക്കി. 2020 മാർച്ച് അവസാനം കോവിഡ്​ തടയാൻ രാജ്യത്ത്​ സമ്പൂർണ്ണ ലോക്​ഡൗൺ ഏർപ്പെടുത്തിയിരുന്നു. ജൂൺ മുതൽ ലോക്​ഡൗൺ ഘട്ടംഘട്ടമായി ഒഴിവാക്കുകയും ചെയ്​തു. നിലവിൽ ലോകത്തെ രണ്ടാമത്തെ കോവിഡ്​ ബാധിത രാജ്യമാണ്​ ഇന്ത്യ. 48 ലക്ഷത്തിലധികം പേരെ രോഗം ബാധിച്ചു.

കഴിഞ്ഞ കുറച്ച് ദിവസങ്ങളായി പ്രതിദിനം 90,000 കേസുകൾ റിപ്പോർട്ട് ചെയ്യുന്നുണ്ട്. ഇനിയുമൊരു ലോക്​ഡൗൺ ഉണ്ടാവില്ലെന്നും വാക്സിൻ കണ്ടെത്തുന്നതുവരെ പൗരന്മാർ സാമൂഹിക അകലം ഉൾപ്പെടെയുള്ള എല്ലാ മുൻകരുതലുകളും പാലിക്കണമെന്നും മാസ്​ക്​ ധരിക്കണമെന്നും പ്രധാനമന്ത്രി നരേന്ദ്ര മോദി പറഞ്ഞിരുന്നു.

Show Full Article
TAGS:Lockdown Fact-Check False news September 25 pibfactcheck 
Next Story