നോട്ട്​ മാറ്റം: മാർച്ചിനിടെ സിസോദിയയെ പൊലീസ്​ കസ്​റ്റഡിയിലെടുത്തു

ന്യൂഡൽഹി: കേന്ദ്രസർക്കാറി​െൻറ നോട്ട്​ അസാധുവാക്കൽ നടപടിക്കെതിരെ പാർലമെൻറ്​ മാർച്ച്​നടത്തിയ ഡൽഹി ഉപമുഖ്യമന്ത്രി മനീഷ്​ സിസോദിയയെ പൊലീസ്​ കസ്​റ്റഡിയിലെടുത്തു.പാർലമെൻറ്​ കെട്ടിടത്തിന്​ സമീപമെത്തിയപ്പോഴാണ്​ ​പ്രതിഷേധ മാർച്ചിന്​  നേതൃത്വം നൽകിയ സിസോദിയയെയും ആം ആദ്മി പാർട്ടി നേതാവ്​ കപിൽ മിശ്രയെയും പൊലീസ്​ കസ്​റ്റഡിയിലെടുത്തത്​. എന്നാൽ പ്രതിഷേധം അക്രമാസക്തമാകിലെന്ന ഉറപ്പിൽ സിസോദിയയെയും കപിൽ മിശ്രയെയും പാർലമെൻറ്​ സ്​ട്രീറ്റ്​ പൊലീസ്​ വിട്ടയച്ചു.

നിരവധി പാർട്ടി പ്രവർത്തകർക്കും അനുയായികൾക്കുമൊപ്പമാണ്​ സിസോദിയ പാർലമെൻറ്​ മന്ദിരത്തിലേക്ക്​ മാർച്ച്​ നടത്തിയത്​. ജന്തർ മന്ദിറിൽ നിന്നും ആരംഭിച്ച പ്രതിഷേധ മാർച്ച്​ പൊലീസ്​ സൂക്ഷ്​മമായി നിരീക്ഷിച്ചിരുന്നു.

BJP will get befitting reply from the people, they wont be able to get any vote this time: Mamata Banerjee pic.twitter.com/aY4dYWvleL

— ANI (@ANI_news) November 22, 2016

നോട്ട്​ മാറ്റത്തിനെതിരായി ജന്തർ മന്ദിറിൽ പശ്ചിമ ബംഗാൾ മുഖ്യമന്ത്രി മമതാ ബാനർജിയുടെ നേതൃത്വത്തിലും  പ്രതിഷേധ റാലിയിൽ സംഘടിപ്പിച്ചു. സർക്കാറി​െൻറ ജനവിരുദ്ധ പ്രഖ്യാപനങ്ങൾക്കെതിരെ മറ്റു പ്രതിപക്ഷ പാർട്ടികൾ ഒരുമിക്കണമെന്നു്​ മമതാ ബാനർജി പറഞ്ഞു.

സ്വിസ്​ ബാങ്കിൽ നിന്നാണ്​ മോദി സർക്കാർ കള്ളപ്പണം തിരിച്ചു കൊണ്ടുവരേണ്ടിയിരുന്നത്​. എന്നാൽ സാധാരണക്കാരുടെ പണമാണ്​ ​പിടിച്ചുവെക്കുന്നത്​. മോദിയുടെ ലക്ഷ്യംവെക്കുന്നത്​ സാധാരണക്കാരെയാണ്​. അതിന്​ പരിഹാരം കാണുന്നതിനാണ്​ പ്രതിഷേധവുമായി മുന്നോട്ടുപോകുന്നത്. മോദി പാവപ്പെട്ട ജനങ്ങൾക്ക്​ ഭീഷണിയാണെന്നും മമത പറഞ്ഞു.