22കാരിയെ മുതിർന്ന വിദ്യാർഥികൾ പീഡിപ്പിച്ച്​ ദൃശ്യങ്ങൾ പകർത്തി

ആന്ധ്ര പ്രദേശ്​: എഞ്ചിനീയറിങ്​ വിദ്യാർഥിനിയെ മുതിർന്ന വിദ്യാർഥികൾ ബലാത്​സംഗം ചെയ്​ത്​ ദൃശ്യങ്ങൾ പകർത്തി ഭീഷണിപ്പെടുത്തിയതായി പരാതി. 22 കാരിയായ പെൺകുട്ടിയാണ്​ പരാതിയുമായി രംഗത്തെത്തിയത്​. മുതിർന്ന വിദ്യർഥികൾ ബലാത്​സംഗം ചെയ്യുകയും ദൃശ്യങ്ങൾ പകർത്തി ഭീഷണിപ്പെടുത്തി വീണ്ടും പീഡിപ്പിച്ചുവെന്നുമാണ്​ പരാതി. ദൃശ്യങ്ങൾ ലഭിച്ച മറ്റൊരു കുട്ടി 10 ലക്ഷം രൂപ ആവശ്യപ്പെടുകയും ലൈംഗിക ബന്ധത്തിന്​ നിർബന്ധിക്കുകയും ചെയ്​തെന്നും​ പരാതിലുണ്ട്​. 

കഴിഞ്ഞ വർഷം ഫെബ്രുവരിയിലാണ്​ സംഭവം. രണ്ട്​ മുതിർന്ന വിദ്യാർഥികൾ ജൻമദിനാഘോഷത്തിന്​ കൂട്ടിക്കൊണ്ടു പോവുകയും അവിടെ നിന്ന്​ മദ്യം കഴിപ്പിച്ചശേഷം ബലാത്​സംഗം ചെയ്യുകയുമായിരുന്നു. ഇൗ ദൃശ്യങ്ങൾ പകർത്തി അത്​ കാണിച്ച്​ ഭീഷണിപ്പെടുത്തുകയും പീഡനം തുടരുകയുമായിരുന്നെന്ന്​ ​െപൺകുട്ടി പറയുന്നു. 

സംഭവത്തെ തുടർന്ന്​ പെൺകുട്ടി കൃഷ്​ണ ജില്ലയിലെ കോളജ്​ അധികൃതരെ സമീപിച്ചെങ്കിലും അവർ പൊലീസിനെ അറിയിച്ചില്ല. പകരം യുവാക്കളോട്​ ദൃശ്യങ്ങൾ നശിപ്പിക്കണമെന്നും പെൺകുട്ടിയോട്​ മാപ്പു പറയണമെന്നും നിർദേശിക്കുകയായിരുന്നെന്നും പരാതിയിലുണ്ട്​. പെൺകുട്ടിയുടെ പരാതിയിൽ യുവാക്കൾക്കെതിരെ കൂട്ട ബലാത്​സംഗത്തിനും ഭീഷണിപ്പെടുത്തുന്നതിനായി ദൃശ്യങ്ങൾ പകർത്തിയതിനും പൊലീസ്​ കേസെടുത്തു. 

എന്നാൽ തങ്ങൾ വേണ്ട നടപടി സ്വീകരിച്ചിട്ടുണ്ടെന്നും പൊലീസിൽ അറിയിക്കാതിരുന്നത്​ പെൺകുട്ടിയെ സമൂഹമധ്യത്തിൽ വെളിപ്പെടുത്താതിരിക്കുന്നതിനും  പ്രതികളായ വിദ്യാർഥികളുടെ ഭാവിയെ കരുതിയും ആണെന്ന്​ കോളജ്​ അധികൃതർ വിശദീകരിക്കുന്നു. 

എന്നാൽ പ്രതികളായ വംശി, ശിവ റെഡ്​ഢി എന്നിവർ ഇൗ ദൃശ്യങ്ങൾ മറ്റ്​ വിദ്യാർഥികൾക്കും സുഹൃത്തുക്കൾക്കും കൈമാറി. തുടർന്ന്​ രണ്ടു മാസം മുമ്പ്​ പ്രവീൺ എന്ന ​മറ്റൊരു വിദ്യാർഥി ഇൗ ദൃശ്യങ്ങൾ കാണിച്ച്​ പെൺകുട്ടിയെ ഭീഷണിപ്പെടുത്തി. ​ൈലംഗിക ബന്ധത്തിന്​ സമ്മതിക്കുകയും 10 ലക്ഷം രൂപ നൽകുകയും വേണമെന്നായിരുന്നു യുവാവി​​​​െൻറ ആവശ്യം. ഇതോടെയാണ്​ പെൺകുട്ടി പൊലീസിനെ സമീപിച്ചത്​. പ്രവീണി​നെ പൊലീസ്​ അറസ്​റ്റ്​ ചെയ്​തു. മറ്റു രണ്ടുപേരെ ഇതുവരെയും കസ്​റ്റഡിയിലെടുത്തിട്ടില്ല.