ബി.ജെ.പിയെ ജനം തള്ളുന്ന കാലം വരും –നായിഡു
text_fieldsഅമരാവതി: ബി.ജെ.പിയെ ജനം തള്ളിക്കളയുന്ന കാലം വരുമെന്ന് തെലുഗുദേശം പാർട്ടി പ്രസിഡൻറ് ചന്ദ്രബാബു നായിഡു. പാർട്ടി എം.പിമാരുമായി നടത്തിയ ടെലികോൺഫറൻസിലാണ് അദ്ദേഹം ഇക്കാര്യം പറഞ്ഞത്. ആന്ധ്രപ്രദേശിന് പ്രത്യേകപദവി നൽകുന്നതുവരെ പ്രതിഷേധം ശക്തിപ്പെടുത്താൻ അദ്ദേഹം എം.പിമാരോട് നിർദേശിച്ചു. രാജ്യസഭയിൽ ആന്ധ്രക്ക് പ്രത്യേകപദവിയും എ.പി അംഗീകാര നിയമവും നടപ്പാക്കുന്നതിൽ കുറഞ്ഞ ഒന്നും സ്വീകാര്യമല്ലെന്നും അവ ലഭിക്കുന്നതുവരെ പ്രതിഷേധം തുടരുമെന്നും നായിഡു വ്യക്തമാക്കി. പ്രതിഷേധത്തിൽ പെങ്കടുക്കാത്ത വൈ.എസ്.ആർ കോൺഗ്രസ് എം.പിമാർ, ബ്രിട്ടീഷുകാരുടെ കാലത്തെ ചില നാട്ടുരാജാക്കന്മാരെപ്പോലെ ഭരിക്കുന്നവരുടെ കൂടെ കൂടിയിരിക്കുകയാണെന്ന് അദ്ദേഹം പരിഹസിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.