Begin typing your search above and press return to search.
proflie-avatar
Login
exit_to_app
exit_to_app
Andhra Man’s Herbal Covid-19 Treatment Draws Crowds government stopped the distribution
cancel
Homechevron_rightNewschevron_rightIndiachevron_rightകോവിഡിന്​ ആയുർവേദ...

കോവിഡിന്​ ആയുർവേദ തുള്ളിമരുന്ന്​ വാങ്ങാൻ ജനക്കൂട്ടം; രോഗവ്യാപനത്തോടെ നിരോധനമേർപ്പെടുത്തി ആന്ധ്ര സർക്കാർ

text_fields
bookmark_border

ഹൈദരാബാദ്​: രാജ്യത്ത്​ കോവിഡ്​ പിടിമുറുക്കിയതോടെ നിരവധി ജീവനുകൾ നഷ്​ടമായിട്ടും വ്യാജ ചികിത്സ സജീവം. ആന്ധ്രപ്രദേശിലെ കൃഷ്​ണപട്ടണത്താണ്​ ഏറ്റവും പുതിയ സംഭവം.

ബോനിഗി ആനന്ദയ്യ എന്ന സ്വയം പ്രഖ്യാപിത ആയുർവേദ പരിശീലക​െൻറ അടുത്ത്​ കോവിഡ്​ രോഗികൾ ഉൾപ്പെടെ ആയിരക്കണക്കിന്​ പേരാണ്​ ചികിത്സ തേടിയെത്തിയത്​. ഇയാൾ സ്വയം വികസിപ്പിച്ചതാണ്​ മരുന്ന്​. ഒൗഷധക്കൂട്ടുകൾ ഉപയോഗിച്ച്​ തയാറാക്കിയ തുള്ളിമരുന്ന്​ ​കോവിഡ്​ പ്രതിരോധത്തിനായി ഇയാൾ നൽകും.

സാമൂഹിക അകലമോ മാ​സ്​കോ ധരിക്കാതെ എത്തുന്നവർ തുള്ളിമരുന്ന്​ വാങ്ങിയ ശേഷം തിരിച്ചുപോകും. കൂടാതെ പ്രതിരോധ ശേഷി വർധിപ്പിക്കാൻ മറ്റു ഒൗഷധങ്ങളും ഇയാൾ വിതരണം ചെയ്​തിരുന്നു. കോവിഡ്​ ബാധിതർക്കും പനിയുള്ളവർക്കും കോവിഡി​െൻറ മറ്റു ലക്ഷണങ്ങൾ ഉള്ളവർക്കും ഇയാൾ മരുന്ന്​ നൽകിയിരുന്നു. കോവിഡിനെ പ്രതിരോധിക്കുമെന്ന്​ മാത്രമല്ല, കോവിഡ്​ മൂലമുണ്ടാകുന്ന ശ്വാസ തടസം ഇല്ലാതാക്കുമെന്നുമാണ്​ ഇയാളുടെ അവകാശവാദം. ആയുർവേദവുമായി ബന്ധപ്പെട്ട്​ ഇയാൾക്ക്​ വിദ്യാഭ്യാസ യോഗ്യതയുമില്ല.

യാതൊരു ശാസ്​ത്രീയ അടിത്തറയും ഇൗ മരുന്നിന്​ ഇല്ല എന്നതാണ്​ മറ്റൊരു സത്യം. കോവിഡ്​ ഭേദമാക്കുമെന്ന്​ ഇയാൾ നാട്ടുകാരെ പറഞ്ഞു വിശ്വസിപ്പിക്കുകയായിരുന്നുവെന്നാണ്​ വിവരം. മരുന്ന്​ വാങ്ങാനെത്തിയവരുടെ നീണ്ട നിര ശ്രദ്ധയിൽപ്പെട്ടതോടെയാണ്​ സംഭവം പുറത്തറിയുന്നത്​.

ഒരേസമയം നിരവധിപേർ ബോനിഗിയെ കാണാൻ എത്തുന്നത്​ രോഗവ്യാപനത്തിന്​ ഇടയാക്കുമെന്ന്​ മനസിലായതോടെ ഇത്തരം ആയുർവേദ മരുന്നുകളുടെ വിൽപ്പന വെള്ളിയാഴ്​ച മുതൽ ആന്ധ്ര സർക്കാർ നിരോധിച്ചു. എന്നാൽ മറ്റു പാർശ്വഫലങ്ങൾ ഇല്ലാത്തതിനാൽ ബോനിഗിക്കെതിരെ സർക്കാർ നടപടികൾ ആരംഭിച്ചിട്ടില്ലെന്ന്​ നെല്ലോർ ജില്ല മജിസ്​ട്രേറ്റ്​ മേയ്​ 17ന്​ സർക്കാറിന്​ സമർപ്പിച്ച റി​പ്പോർട്ടിൽ പറയുന്നു. ആനന്ദയ്യ ഒരു അംഗീകൃത പരിശീലകനല്ലെന്നും ഇയാൾ നൽകുന്ന മരുന്ന്​ ദൂരവ്യാപക പ്രത്യാഘാതങ്ങൾക്ക്​ ഭാവിയിൽ ഇടയാക്കുമെന്നും റിപ്പോർട്ടിൽ പരാമർശമുണ്ട്​.

ഇയാൾ വിതരണം ചെയ്യുന്ന തുള്ളിമരുന്നി​െൻറ സാമ്പിളുകൾ വിദഗ്​ധ പരിശോധനക്കായി ഐ.സി.എം.ആറിന്​ അയച്ചതായി ആരോഗ്യവകുപ്പ്​ അധികൃതർ അറിയിച്ചു. ഇത്തരത്തിൽ അനധികൃത മരുന്ന്​ വിതരണത്തെക്കുറിച്ച്​ വിവരം അറിഞ്ഞയുടൻ അധികൃതരെത്തി അവ തടഞ്ഞതായി ജില്ല മജിസ്​ട്രേറ്റ്​ അറിയിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Ayurveda​Covid 19Corona VirusHerbal Covid-19 Treatment
News Summary - Andhra Man’s Herbal Covid-19 Treatment Draws Crowds government stopped the distribution
Next Story