ആന്ധ്ര ​െഎ.എ.എസ്​ ഉദ്യോഗസ്​ഥരുടെ ഒരു ദിവസത്തെ ശമ്പളം കേരളത്തിന്​

അമരാവതി: ആന്ധ്രപ്രദേശിലെ​ ​െഎ.എ.എസ്​ ഉദ്യോഗസ്ഥർ തങ്ങളുടെ ഒരു ദിവസത്തെ ശമ്പളം കേരളത്തിലെ പ്രളയ ദുരിതാശ്വാസ നിധിയിലേക്ക്​ നൽകുന്നു​. ​ആന്ധ്ര ​െഎ.എ.എസ്​ അസോസിയേഷനാണ്​ അംഗങ്ങളു​െട ഒരു ദിവസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക്​ നൽകാൻ തീരുമാനിച്ചത്​. 

സംസ്​ഥാനം ഇതുവരെ കണ്ടിട്ടില്ലാത്ത പ്രളയത്തിൽ ദുരിതമനുഭവിക്കുന്ന കേരള ജനതക്കൊപ്പം നിൽക്കുന്നുവെന്ന്​ അറിയിച്ചു കൊണ്ടാണ്​ സംഘടന തീരുമാനം പ്രഖ്യാപിച്ചത്​. രക്ഷാപ്രവർത്തനത്തിന്​ അഹോരാത്രം മുന്നിട്ടിറങ്ങിയവർക്കും സംഘടന പിന്തുണ പ്രഖ്യാപിച്ചു. 

മഴ മാറിനിന്ന ഞായറാഴ്​ച കേരളത്തിൽ പ്രഖ്യാപിച്ചിരുന്ന റെഡ്​ അലർട്ട്​ പിൻവലിച്ചു. 10 ജില്ലകളിൽ ഒാറഞ്ച്​ അലർട്ടും രണ്ടു ജില്ലകളില യെല്ലോ അലർട്ടും പ്രഖ്യാപിച്ചിട്ടുണ്ട്​. അതേസമയം, കർണാടക സ്​റേററ്റ്​ റോഡ്​ ട്രാൻസ്​പോർട്ട്​ കോർപറേഷൻ എറണാകുളം, കോട്ടയം, തൃശൂർ, പാലക്കാട്​, കോഴിക്കോട്​, തിരുവനന്തപുരം ജില്ലകളിലേക്ക്​ സർവീസ്​ പുനഃരാരംഭിച്ചു. ആദ്യ യാത്ര ഇന്ന്​ വൈകിട്ട്​ നാലിന്​ ബംഗളൂരുവിൽ നിന്ന്​ തിരുവനന്തപുരത്തേക്ക്​ നടത്തും. എന്നാൽ കാസർഗോഡിലേക്കുള്ള യാത്ര തുടങ്ങിയിട്ടില്ല.