Top
Begin typing your search above and press return to search.
exit_to_app
exit_to_app
കോവിഡ്​ പേടിച്ച്​ മാതാവും രണ്ടുപെൺമക്കളും വീടടച്ച്​ അകത്തുകഴിഞ്ഞത്​ 15 മാസം; ഒടുവിൽ പൊലീസെത്തി മോചിപ്പിച്ചു
cancel
Homechevron_rightNewschevron_rightIndiachevron_rightകോവിഡ്​ പേടിച്ച്​...

കോവിഡ്​ പേടിച്ച്​ മാതാവും രണ്ടുപെൺമക്കളും വീടടച്ച്​ അകത്തുകഴിഞ്ഞത്​ 15 മാസം; ഒടുവിൽ പൊലീസെത്തി മോചിപ്പിച്ചു

text_fields
bookmark_border

ഹൈദരാബാദ്​: കോവിഡി​നെ കുറിച്ച്​ പാതിശരിയും മുഴുശരിയുമായ കഥകൾ​ കേട്ട്​ ശരിക്കും പേടിച്ചുപോയ ഒരു കുടുംബത്തിലെ സ്​ത്രീകൾ ഒരിക്കലും പുറത്തിറങ്ങാതെ വീടടച്ച്​ അകത്ത്​ കഴിച്ചുകൂട്ടിയത്​ ഒരു വർഷത്തിലേറെ കാലം. ആന്ധ്രയിലെ കഡലി ഗ്രാമത്തിലാണ്​ 15 മാസത്തോളം മൂന്നുപേർ വീട്ടിനുള്ളിൽ കഴിഞ്ഞത്​. വിവരമറിഞ്ഞെത്തിയ പൊലീസ്​ ഒടുവിൽ 50കാരിയായ റുത്തമ്മ, രണ്ടു പെൺമക്കൾ എന്നിവരടങ്ങിയ കുടുംബത്തെ രക്ഷപ്പെടുത്തുകയായിരുന്നു.

അയൽവാസി കോവിഡ്​ ബാധിച്ച്​ മരിച്ചതോടെയാണ്​ കുടുംബം ശരിക്കും ഭയന്ന​ുപോയത്​. അതോടെ അടച്ചിട്ട്​ വീട്ടിനുള്ളിൽ​ നീണ്ടകാലം പുറത്തിറങ്ങാ​തിരുന്ന ഇവരെ തേടി കഴിഞ്ഞ ദിവസം സന്നദ്ധപ്രവർത്തകൻ എത്തി അന്വേഷിച്ചപ്പോൾ ഞെട്ടിക്കുന്ന വിവരമറിയുകയായിരുന്നു. വീട്ടിലെ സ്​ത്രീകൾ ഒരു കാരണവശാലും പുറത്തിറങ്ങിയിരുന്നില്ല. മാതാവും രണ്ടു പെൺമക്കളും വീട്ടിനുള്ളിൽ തന്നെ കഴിഞ്ഞപ്പോൾ പിതാവും ഒരു ആൺകുട്ടിയും അവശ്യ വസ്​തുക്കൾ വാങ്ങാൻ മാത്രം പുറത്തിറങ്ങി. അകത്തുതന്നെയായി വിഷാദ രോഗം ബാധിച്ച ഇവർ കടുത്ത ശാരീരിക അവശതകളും അനുഭവിച്ചിരുന്നതായി പറയുന്നു.

സർക്കാർ പദ്ധതിയിൽ ഉൾപെടുത്തി ഇവർക്ക്​ വീട്​ അനുവദിക്കുന്നതിന്​ വിരലടയാളം ശേഖരിക്കാനായിരുന്നു കഴിഞ്ഞ ദിവസം സന്നദ്ധ പ്രവർത്തകൻ എത്തിയത്​. മുമ്പും പലതവണ ആശ വർക്കർമാർ വീട്ടിൽ പോയിരുന്നുവെങ്കിലും പ്രതികരണമില്ലാത്തതിനെ തുടർന്ന്​ മടങ്ങുകയായിരുന്നു. പുറത്തിറങ്ങാ​ത്ത ഇവരെ കുറിച്ച്​ ഗ്രാമമുഖ്യനെ അറിയിച്ച​േതാടെ പൊലീസ്​ എത്തുകയായിരുന്നു. ആരോഗ്യ പ്രവർത്തകരെ കൂട്ടി എത്തിയ പൊലീസ്​ ഒരു മുറിയിൽ അടച്ചിട്ടനിലയിലായിരുന്ന മൂന്നുപേരെയും പുറത്തെത്തിച്ച്​ ആശുപത്രിയിലേക്ക്​ മാറ്റി.

Show Full Article
TAGS:Andhra Family Locks In house For 15 Months Covid Death Fear 
News Summary - Andhra Family Locks Themselves In For 15 Months Fearing Death From Covid
Next Story