അമരീന്ദർ സിങ്ങിനെയും പാക്​ മാധ്യമ പ്രവർത്തകയെും ചേർത്തുള്ള കോൺഗ്രസ്​ നേതാക്കളുടെ പ്രസ്​താവനകൾ തരംതാണത്​-മനീഷ്​ തിവാരി

ചണ്ഡിഗഢ്​: പാകിസ്​താൻ മാധ്യമപ്രവർത്തക അറൂസ ആലമുമായുള്ള പഞ്ചാബ്​ മുൻ മുഖ്യമന്ത്രി അമരീന്ദർ സിങ്ങി‍െൻറ സൗഹൃദത്തെ ചൊല്ലി കോൺഗ്രസ്​ നേതാക്കൾ നടത്തുന്ന പ്രസ്​താവനകൾ തരംതാണതാണെന്നും സംസ്​ഥാന കോൺഗ്രസിൽ ഇത്തരമൊരു അരാജകത്വം മു​െമ്പാരിക്കലും ഉണ്ടായിട്ടി​െല്ലന്നും മുതിർന്ന പാർട്ടി നേതാവ്​ മനീഷ്​ തിവാരി.

പാർട്ടി വിട്ട അമരീന്ദറും കോൺഗ്രസ്​ നേതാക്കളും തമ്മിൽ ഉപയോഗിക്കുന്ന വാക്കുകൾ ആരും ഉപയോഗിക്കാൻ മടിക്കുന്നവയാണെന്നും ഇത്​ ജനങ്ങൾക്ക്​ എത്രമാത്രം അരോചകമാണെന്ന കാര്യം നേതാക്കൾ ആലോചിച്ചിട്ടുണ്ടോ എന്നും മനീഷ്​ തിവാരി ട്വിറ്റർ കുറിപ്പിലൂടെ ചോദിച്ചു.

അറൂസ ആലത്തിന്​ പാക്​ ചാരസംഘടനയായ ഐ.എസ്​.ഐയുമായി ബന്ധമുണ്ടോ എന്ന്​ അന്വേഷിക്കുമെന്ന ഉപ മുഖ്യമന്ത്രി സുഖ്​ജിന്ദർ സിങ്​ രൺധാവയുടെ പ്രസ്​താവനക്ക്​, ഉപമുഖ്യമന്ത്രി വ്യക്തി അധിക്ഷേപം നടത്തുകയാണെന്നായിരുന്നു അമരീന്ദറി‍െൻറ മറുപടി.

അസൂറക്ക്​ പണമോ സമ്മാനമോ കൈമാറാതെ സംസ്​ഥാനത്ത്​ ഒരു ഔദ്യോഗിക നിയമനവും നടന്നിരുന്നില്ലെന്നായിരുന്നു, കോൺഗ്രസ്​ അധ്യക്ഷൻ നവ്​ജോത്​ സിങ്​ സിദ്ദുവി‍െൻറ പത്​നി നവ്​ജോത്​ കൗറി‍െൻറ ആരോപണം.

നിലവാരം കുറഞ്ഞ പ്രസ്​താവനകൾ നടത്തുന്ന നേതാക്കൾ പഞ്ചാബിലെ ​സുപ്രധാന പ്രശ്​നങ്ങളായ മയക്കുമരുന്ന്​, 2015ലെ വിശുദ്ധഗ്രന്ഥ അവഹേളന സംഭവം, ​ൈവദ്യുതി വാങ്ങലുമായി ബന്ധപ്പെട്ട വിവാദം തുടങ്ങിയ വിഷയങ്ങൾ മറന്നുപോയോ എന്നും വിവിധ ട്വീറ്റുകളിലായി മനീഷ്​ തിവാരി ചോദിച്ചു.