അനന്തനാഗിൽ ഏറ്റുമുട്ടൽ ആറാം ദിവസത്തിൽ; കത്തിക്കരിഞ്ഞ നിലയിൽ മൃതദേഹം കണ്ടെത്തി

ശ്രീനഗർ: അനന്ത്നാഗിൽ സുരക്ഷ സേനയും ഭീകരരും തമ്മിലെ ഏറ്റുമുട്ടിൽ ആറാം ദിവസത്തിലേക്ക് കടന്നു. ഭീകരർ ഒളിച്ചിരിക്കുന്ന സ്ഥലത്തിന് സമീപത്തുനിന്ന് കത്തിക്കരിഞ്ഞ നിലയിൽ മൃതദേഹം കണ്ടെത്തി. മൃതദേഹം തിരിച്ചറിയാനായിട്ടില്ല.

120 മണിക്കൂർ പിന്നിട്ടിട്ടും ഗ​രോ​ൾ മേ​ഖ​ല​യി​ലെ ഭീകരവേട്ട തുടരുകയാണ്. നിബിഡ വനമേഖലയിലെ ചെങ്കുത്തായ മലനിരകളും ഗർത്തങ്ങളും നിറഞ്ഞ മേഖലയിലെ ഗുഹയിലാണ് ഭീകരർ ഒളിച്ചിരിക്കുന്നത്. ഡ്രോണുകൾ ഉപയോഗിച്ച് ഈ മേഖല നിരീക്ഷിച്ചുകൊണ്ടിരിക്കുകയാണ്.

ബു​ധ​നാ​ഴ്ച പു​ല​ർ​ച്ചെയാണ് ഏറ്റുമുട്ടൽ ആരംഭിച്ചത്. അന്ന് 19 രാ​ഷ്ട്രീ​യ റൈ​ഫി​ൾ​സി​ന്റെ ക​മാ​ൻ​ഡി​ങ് ഓ​ഫി​സ​ർ കേ​ണ​ൽ മ​ൻ​പ്രീ​ത് സി​ങ്, മേ​ജ​ർ ആ​ശി​ഷ് ധോ​നാ​ക്ക്, ഡെ​പ്യൂ​ട്ടി സൂ​പ്ര​ണ്ട് ഹു​മ​യൂ​ൺ ഭ​ട്ട് എ​ന്നി​വ​ർ വീ​ര​മൃ​ത്യു വ​രി​ച്ചി​രു​ന്നു. പൊ​ലീ​സും സേ​ന​യും സം​യു​ക്ത​മാ​യി തി​ര​ച്ചി​ൽ ന​ട​ത്തു​മ്പോ​ഴാ​ണ് ഭീകരർ വെടിയുതിർത്തത്.

സൈനികരുടെയും പൊലീസുദ്യോഗസ്ഥരുടെയും മരണത്തിനുത്തരവാദികളായ ഭീകരരെ വെറുതെവിടില്ലെന്ന് ജമ്മു കശ്മീർ ലഫ്. ഗവർണർ ഇന്നലെ പറഞ്ഞിരുന്നു.