അലിഗഢ്​ സർവകലാശാലയുടെ പേര്​ മാറ്റണമെന്ന്​ ഹരിയാന മന്ത്രി

ന്യൂഡൽഹി: അലിഗഢ്​ മുസ്​ലിം സർവകലാശാലയിൽ മുഹമ്മദലി ജിന്നയു​െട ഫോ​േട്ടാ വെച്ചതു സംബന്ധിച്ച വിവാദത്തിനി​െട സർവകലാശാലയു​െട പേര്​ മാറ്റണമെന്ന ആവശ്യവുമായി ഹരിയാന ധനകാര്യമന്ത്രി ക്യാപ്​റ്റൻ അഭിമന്യു. സർവകാലാശാലക്ക്​ ഭൂമി നൽകിയ രാജ മഹേന്ദ്ര പ്രതാപ്​ സിങ്ങി​​​െൻറ പേര്​ നൽകണമെന്നും അഭിമന്യു ആവശ്യപ്പെട്ടു. 

രാജ മഹേന്ദ്ര പ്രതാപ്​ സിങ് ഒരു മടിയും കൂടാതെയാണ്​ സർവകലാശാലക്ക്​ ഭൂമി നൽകിയത്​. ജാതി- മത വ്യത്യാസമില്ലാതെ എല്ലാവർക്കും വിദ്യാഭ്യാസം ലഭ്യമാകണമെന്ന ഉദ്ദേശത്തോടുകൂടിയായിരുന്നു അദ്ദേഹത്തി​​​െൻറ പ്രവൃത്തി. എന്നാൽ ഏറ്റവും ദുഃഖകരം രാജ മഹേന്ദ്ര പ്രതാപ്​ സിങ്ങി​​​െൻറ ഒരു ചിത്രം പോലും സർവകലാശാലയിൽ എവിടെയും പ്രദർശിപ്പിച്ചിട്ടില്ല. പ​ക്ഷേ, രാജ്യത്തെ വിഭജിച്ച ജിന്നയുടെ ചിത്രമുണ്ട്​ എന്നും മന്ത്രി പറഞ്ഞു. റിവാരിയിൽ ജാട്ട്​ ധർമ്മശാലയുടെ തറക്കല്ലിടൽ കർമം നിർവ്വഹിച്ച്​ സംസാരിക്കുകയായിരുന്നു മന്ത്രി.