വയനാടിനെ കുറിച്ചുള്ള പാകിസ്​താൻ പരാമർശത്തിൽ മാപ്പ്​ പറയില്ല- അമിത്​ ഷാ

ന്യൂഡൽഹി: വയനാടിനെ കുറിച്ചുള്ള പാകിസ്​താൻ പരാമർശത്തിൽ മാപ്പ്​ പറയില്ലെന്ന്​ ബി.ജെ.പി ദേശീയ അധ്യക്ഷൻ അമിത്​ ഷ ാ. ഉത്തർപ്രദേശിൽ ചില സീറ്റുകൾ നഷ്​ടമായേക്കാം. യു.പിയിലുണ്ടാവുന്ന നഷ്​ടം മറ്റ്​ സംസ്ഥാനങ്ങളിൽ നിന്ന്​ പരിഹരിക ്കും. സ്വകാര്യ ചാനലി​ന്​ നൽകിയ അഭിമുഖത്തിലാണ് അമിത്​ ഷാ​ ഇക്കാര്യം പറഞ്ഞത്​.

കഴിഞ്ഞ തവണ വിജയിക്കാത്ത സ്ഥലങ്ങളിൽ ബി.ജെ.പി 60 സീറ്റ്​ പിടിക്കും. കേരളത്തിൽ അഞ്ച്​ സീറ്റ്​ നേടും. ശബരിമലയിൽ വിശ്വാസികൾ നേരിട്ട അതിക്രമങ്ങൾ ഉന്നയിക്കും. ശബരിമലയുടെ പേര്​ പറഞ്ഞ്​ വോട്ട്​ പിടിക്കുന്നതിൽ മാത്രമാണ്​ വിലക്കുള്ളതെന്നും അമിത്​ ഷാ വ്യക്​തമാക്കി.

എല്ലാ സുപ്രീംകോടതി വിധികളും പിണറായി വിജയൻ നടപ്പിലാക്കുമോ. പള്ളികളിൽ ഉച്ചഭാഷിണി ഉപയോഗിക്കുന്നത്​ വിലക്കുന്ന വിധി പിണറായി നടപ്പിലാക്കുമോയെന്നും അമിത്​ ഷാ ചോദിച്ചു.