‘ഒരു രാജ്യം ഒരു തെരഞ്ഞെടുപ്പ്’; അമിത്​ ഷാ നിയമ കമീഷന്​ കത്തെഴുതി

ന്യൂഡൽഹി: രാജ്യത്ത്​ തെരഞ്ഞെടുപ്പുകൾ ഒറ്റത്തവണയാക്കാൻ ‘ഒരു രാജ്യം ഒരു തെരഞ്ഞെടുപ്പ്​’ എന്ന പ്രധാനമന്ത്രി നരേന്ദ്ര മോദിയുടെ പ്രഖ്യാപനത്തി​​​െൻറ ഭാഗമായി ലോക്​സഭ തെരഞ്ഞെടുപ്പിനൊപ്പം 11 സംസ്ഥാനങ്ങളിൽ നിയമസഭാ തെരഞ്ഞെടുപ്പും നടത്താൻ ബി.ജെ.പി ഒരുങ്ങുന്നു. ചില സംസ്ഥാനങ്ങളിൽ തെരഞ്ഞെടുപ്പ്​ നേരത്തെയാക്കിയും ചിലയിടങ്ങളിൽ വൈകിപ്പിച്ചും ഇതു സാധ്യമാക്കാം എന്ന നിലപാടിലാണ്​ ബി.ജെ.പി. 

ബി.ജെ.പി അധ്യക്ഷൻ അമിത്​ ഷാ ഇതുമായി ബന്ധപ്പെട്ട്​ നിയമ​ കമീഷൻ ചെയർമാൻ ബി.​എസ്​ ചൗഹാന്​ കത്തെഴുതി. ഒറ്റ തെരഞ്ഞെടുപ്പ്​ നടത്തുന്നതിലൂടെ ചിലവ്​ ഗണ്യമായി കുറക്കാമെന്നും വർഷം മുഴുവനും രാജ്യം തെരഞ്ഞെടുപ്പി​​​െൻറ ചൂടിൽ നിൽക്കുന്ന സാഹചര്യം ഇതിലൂടെ ഒഴിവാക്കാമെന്നുമാണ്​ അമിത്​ ഷാ വാദിക്കുന്നത്​.

രാജ്യത്തി​​​െൻറ ഫെഡറൽ സംവിധാനത്തെ തകർക്കുന്ന നിലപാടാണ്​ ബി.ജെ.പിയുടേതെന്ന്​ കോൺഗ്രസ്​ അഭിപ്രായപ്പെട്ടു. എന്നാൽ തീർത്തും തെറ്റായതും രാഷ്​ട്രീയ പ്രേരിതവുമായ ആരോപണമാണ്​ കോൺഗ്രസി​​​െൻറതെന്നും ഇത്തരത്തിൽ തെരഞ്ഞെടുപ്പുകൾ നടത്തുന്നതിലൂടെ രാജ്യത്തി​​​െൻറ ഫെഡറൽ ഘടന ശക്​തിപ്പെടുകയാണ്​ ചെയ്യുകയെന്നും അമിത്​ ഷാ കൂട്ടിച്ചേർത്തു.

മധ്യപ്രദേശ്​, രാജസ്ഥാൻ, ചത്തീസ്​ഗഢ്​, മിസോറാം, ഹരിയാന, ഝാർഖണ്ഡ്​, മഹാരാഷ്​ട്ര, ആന്ധ്രാപ്രദേശ്​, ഒഡിഷ,​ തെലങ്കാന, ബിഹാർ എന്നീ സംസ്ഥാനങ്ങളിൽ പ്രാഥമികമായി ഇത്തരത്തിൽ തെരഞ്ഞെടുപ്പ്​ നടത്താനാണ്​ ബി.ജെ.പി ലക്ഷ്യം വെക്കുന്നതെന്ന്​ വാർത്താ ഏജെൻസികൾ റിപ്പോർട്ട്​ ചെയ്യുന്നു. 2019 ഏപ്രിൽ ,​മെയ് മാസങ്ങളിലാണ്​ ലോക്​സഭ തെരഞ്ഞെടുപ്പ്​ നടക്കുക.​