'വികസനം കൊണ്ട് ജനങ്ങളുടെ മനസുകൾ ബന്ധിപ്പിച്ച നേതാവ്'; മോദിക്ക് പിറന്നാളാശംസകളുമായി അമിത് ഷാ

ന്യൂഡൽഹി: കഠിനാധ്വാനവും ദീർഘവീക്ഷണവും കൊണ്ട് രാജ്യത്ത് കോടിക്കണക്കിന് ജനങ്ങളുടെ ജീവിതത്തിലേക്ക് സമൃദ്ധിയും ആത്മവിശ്വാസവും കൊണ്ടുവന്ന നേതാവാണ് പ്രധാനമന്ത്രി നരേന്ദ്രമോദിയെന്ന് കേന്ദ്ര ആഭ്യന്തര മന്ത്രി അമിത് ഷാ. പ്രധാനമന്ത്രിയുടെ 73-ാം ജന്മദിനത്തോടനുബന്ധിച്ച് പങ്കുവെച്ച ആശംസ കുറിപ്പിലായിരുന്നു ഷായുടെ പരാമർശം. നേതൃത്വത്തിന്‍റേയും സംവേദനക്ഷമതയുടേയും കഠിനാധ്വാനത്തിന്‍റേയും അപൂർവ സംയോജനമാണ് പ്രധാനമന്ത്രിയെന്നും അദ്ദേഹം എക്സിൽ കുറിച്ചു.

"ദീർഘ വീക്ഷണത്തിലൂടെയും കഠിനാധ്വാനത്തിലൂടെയും നിസ്വാർത്ഥ സേവനത്തിലൂടെയും രാജ്യത്തെ കോടിക്കണക്കിന് ജനങ്ങളുടെ ജീവിതത്തിൽ സമൃദ്ധിയും ആത്മവിശ്വാസവും കൊണ്ടുവന്ന നേതാവാണ് നരേന്ദ്രമോദി. നിങ്ങളുടെ ദീർഘായുസ്സിന് വേണ്ടി പ്രാർഥിക്കുന്നു" - ഷാ എക്സിൽ കുറിച്ചു.

രാജ്യത്തിന്‍റെ ചിന്തകളെ പോലും സ്വീധീനിക്കാൻ മോദി എന്ന നേതാവിന് സാധിച്ചിട്ടുണ്ട്. കോവിഡിനെതിരായ വാക്സിൻ കണ്ടെത്തുന്നത് മുതൽ ചന്ദ്രയാൻ 3 ന്‍റെ വിജയം വരെ അതുകൊണ്ട് തന്നെയാണ് രാജ്യത്തിന്‍റെ ത്രിവർണ പതാക ലോകത്തിന്‍റെ വിവിധ കോണികളിൽ ഇപ്പോഴും പാറിപ്പറക്കുന്നത്. രാജ്യത്തിന്‍റെ ചരിത്രത്തിലാദ്യമായി വികസനത്തിന്‍റെ പാതയിലൂടെ ജനങ്ങളുടെ മനസുകൾ ബന്ധിപ്പിച്ച നേതാവാണ് നരേന്ദ്രമോദി. മോദിയെപ്പോലെ ഒരു നേതാവിന് കീഴിൽ നിന്ന് കൊണ്ട് രാജ്യത്തെ സേവിക്കാൻ സാധിച്ചതിൽ അഭിമാനിക്കുന്നുവെന്നും നരേന്ദ്ര മോദി ജനഹൃദയങ്ങളിലാണ് ജീവിക്കുന്നതെന്നും ഷാ കൂട്ടിച്ചേർത്തു.

73ാം പിറന്നാളിന് മെട്രോ യാത്ര നടത്തി പ്രധാനമന്ത്രി

ന്യൂ​ഡ​ൽ​ഹി: 73ാം പി​റ​ന്നാ​ള്‍ ദി​ന​ത്തി​ല്‍ ഡ​ല്‍ഹി മെ​ട്രോ​യി​ല്‍ യാ​ത്ര ന​ട​ത്തി പ്ര​ധാ​ന​മ​ന്ത്രി ന​രേ​ന്ദ്ര മോ​ദി. ഡ​ല്‍ഹി എ​യ​ര്‍പോ​ര്‍ട്ട് മെ​ട്രോ എ​ക്സ്പ്ര​സ് ലൈ​നി​ൽ ദ്വാ​ര​ക സെ​ക്ട​ര്‍ 21 മു​ത​ല്‍ പു​തി​യ മെ​ട്രോ സ്റ്റേ​ഷ​നാ​യ യ​ശോ​ഭൂ​മി ദ്വാ​ര​ക സെ​ക്ട​ര്‍ 25 വ​രെ​യാ​ണ്​ പ്ര​ധാ​ന​മ​ന്ത്രി യാ​ത്ര ചെ​യ്ത​ത്. ദ്വാ​ര​ക​യി​ൽ ‘യ​ശോ​ഭൂ​മി’ അ​ന്താ​രാ​ഷ്ട്ര ക​ൺ​വെ​ൻ​ഷ​ൻ സെ​ന്‍റ​റും എ​യ​ര്‍പോ​ര്‍ട്ട് മെ​ട്രോ എ​ക്സ്പ്ര​സ് ലൈ​ൻ ദ്വാ​ര​ക സെ​ക്ട​ര്‍ 25 എ​ക്സ്റ്റ​ൻ​ഷ​നും പ്ര​ധാ​ന​മ​ന്ത്രി ഉ​ദ്​​ഘാ​ട​നം ചെ​യ്തു. തു​ട​ർ​ന്നാ​യി​രു​ന്നു മെ​ട്രോ യാ​ത്ര. സ്ത്രീ​ക​ളും കു​ട്ടി​ക​ളും അ​ട​ങ്ങു​ന്ന യാ​ത്ര​ക്കാ​ർ പ്ര​ധാ​ന​മ​ന്ത്രി​ക്ക്​ ജ​ന്മ​ദി​നാ​ശം​സ നേ​ർ​ന്നു.

രാ​ഷ്ട്ര​പ​തി ദ്രൗ​പ​തി മു​ർ​മു, കോ​ൺ​ഗ്ര​സ്​ അ​ധ്യ​ക്ഷ മ​ല്ലി​കാ​ർ​ജു​ൻ ഖാ​ർ​ഗെ, ബി.​ജെ.​പി അ​ധ്യ​ക്ഷ​ൻ ​ജെ.​പി. ന​ഡ്ഡ, ആ​ഭ്യ​ന്ത​ര മ​ന്ത്രി അ​മി​ത്​ ഷാ, ​പ്ര​തി​രോ​ധ​മ​ന്ത്രി രാ​ജ്​​നാ​ഥ്​ സി​ങ്, മ​റ്റു കേ​ന്ദ്ര മ​ന്ത്രി​മാ​ർ, രാ​ഹു​ൽ ഗാ​ന്ധി തു​ട​ങ്ങി​യ​വ​ർ പ്ര​ധാ​ന​മ​ന്ത്രി​ക്ക് ആ​ശം​സ അ​റി​യി​ച്ചു. സു​ദീ​ർ​ഘ​മാ​യ കാ​ഴ്ച​പ്പാ​ടും ശ​ക്ത​മാ​യ നേ​തൃ​ത്വ​വും കൊ​ണ്ട് നി​ങ്ങ​ൾ വി​ജ​യി​ക്ക​ണ​മെ​ന്ന് ഞാ​ൻ ആ​ഗ്ര​ഹി​ക്കു​ന്നു​വെ​ന്ന്​ മോ​ദി​ക്ക്​ ആ​ശം​സ നേ​ർ​ന്ന്​ രാ​ഷ്ട്ര​പ​തി സ​മൂ​ഹ മാ​ധ്യ​മ​മാ​യ ‘എ​ക്സി’​ൽ (ട്വി​റ്റ​ർ) കു​റി​ച്ചു.