Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightബിൽ നടപ്പിലായാൽ അമിത്​ ...

ബിൽ നടപ്പിലായാൽ അമിത്​ ഷാ ഹിറ്റ്​ലറി​െൻറ ഗണത്തിലെത്തും -ഉവൈസി

text_fields
bookmark_border
ബിൽ നടപ്പിലായാൽ അമിത്​ ഷാ ഹിറ്റ്​ലറി​െൻറ ഗണത്തിലെത്തും -ഉവൈസി
cancel

ന്യൂഡൽഹി: പൗരത്വ ഭേദഗതി ബിൽ നടപ്പിലായാൽ കേന്ദ്ര ആഭ്യന്തര വകുപ്പ്​ മന്ത്രി അമിത്​ ഷാ ഹിറ്റ്​ലറി​​​െൻറ ഗണത്തിലെത്തുമെന്ന്​​ എ.ഐ.എം.ഐ.എം അധ്യക്ഷൻ അസദുദ്ദീൻ ഉവൈസി. പൗരത്വ ​​േഭദഗതി ബില്ലിൻമേൽ നടന്ന ചർച്ചയിൽ പ​ങ്കെടു​ത്ത്​ സംസാരിക്കുകയായിരുന്നു അദ്ദേഹം.

‘‘ഇത്തരമൊരു നിയമത്തിൽ നിന്ന്​ ഈ രാജ്യത്തെ രക്ഷിക്കണമെന്ന്​ ഞാൻ അങ്ങയോട്​(സ്​പീക്കർ​) ആവശ്യപ്പെടുകയാണ്​. ആഭ്യന്തര മ​ന്ത്രിയേയും രക്ഷിക്കണം. അല്ലെങ്കിൽ നൂറെംബർഗ്​ വംശ നിയമത്തെയും ഇസ്രായേലി​​​െൻറ പൗരത്വ ചട്ടത്തെയും പോലെ ഹിറ്റ്​ലറിനും ഡേവിഡ്​ ബെൻഗുറിയോണി​നുമൊപ്പം അമിത്​ ഷായുടെ പേരു​ം എഴുതിചേർക്കപ്പെടും’ ’-ഉവൈസി പറഞ്ഞു. പൗരത്വ ഭേദഗതി ബിൽ ജനങ്ങളുടെ മൗലികാവശകാശങ്ങളെ ലംഘിക്കുന്നതാണെന്നും അദ്ദേഹം കൂട്ടിച്ചേർത്തു.

ഉവൈസിയുടെ ഹിറ്റ്​ലർ പരാമർശം ഭരണപക്ഷ ബെഞ്ചിൽ ബഹളത്തിനിടയാക്കി. തുടർന്ന്​ ഈ പരാമർശം സ്​പീക്കർ സഭാരേഖകളിൽ നിന്ന്​ നീക്കി. പാർലമ​​െൻറിൽ ഉപയോഗിക്കാൻ പാടില്ലാത്ത വാക്കുകൾ സഭയിൽ പാടില്ലെന്ന്​ സ്​പീക്കർ ഉവൈസിക്ക്​ മുന്നറിയിപ്പ്​ നൽകി.

ഹിറ്റ്​ലറുടെ നാസി ഭരണത്തി​​​െൻറയും ജൂത വിരുദ്ധ പ്രചാരണത്തി​​​െൻറയും കേന്ദ്രമായിരുന്നു ജർമനിയിലെ നൂറെംബെർഗ്​. ജൂതൻമാരും ജർമൻ പൗരൻമാരും തമ്മിലുള്ള വിവാഹ, വിവാഹേതര ബന്ധങ്ങളിൽ ഏർപ്പെട​ുന്നതും 45 വയസിന്​ താഴെയുള്ള സ്​ത്രീകൾ ജൂത വീടുകളിൽ ജോലി ചെയ്യുന്നതും വിലക്കിക്കൊണ്ടുള്ളതാണ്​ നൂറെംബെർഗ് വംശനിയമങ്ങളിൽ ഒന്ന്​. കൂടാതെ ജർമൻ രക്തമുള്ളവർക്ക്​ മാത്രമാണ്​ പൗരത്വത്തിന്​ അർഹതയുള്ളൂവെന്നും മറ്റുള്ളവർക്ക്​ പൗരത്വ അവകാശങ്ങൾ ഉണ്ടാവില്ലെന്നും നിഷ്​കർഷിക്കുന്നതാണ്​ മറ്റൊരു നിയമം.​

Show Full Article
TAGS:citizenship amendment bill protest Amit Shah Hitler loksabha asaduddin owaisi india news malayalam news 
Next Story