ബംഗാളിലെ രഥ യാത്ര തടയാൻ ആർക്കും കഴിയില്ല- അമിത്​ ഷാ

ന്യൂഡൽഹി: പശ്ചിമബംഗാളിൽ ബി.ജെ.പിയുടെ തെരഞ്ഞെടുപ്പ്​ പ്രചരണ രഥയാത്രക്ക്​ സംസ്ഥാനസർക്കാർ അനുമതി നിഷേധിച്ചതിന െതിരെ പാർട്ടി അധ്യക്ഷൻ അമിത്​ ഷാ. ബംഗാളിൽ ഭീകരവാഴ്​ചയാണ്​ നടക്കുന്നതെന്നും മുഖ്യമന്ത്രി മമത ബാനർജി ജനാധിപത്യ ത്തെ ഞെരിച്ചുകൊണ്ടിരിക്കയാണെന്നും അമിത്​ ഷാ വിമർശിച്ചു.
രഥ യാത്രയുമായി പാർട്ടി മുന്നോട്ടുപോകും. ആർക്ക ും അത്​ തടയാനാകില്ലെന്നും അമിത്​ ഷാ പറഞ്ഞു. ‘ജ​നാ​ധി​പ​ത്യ​ത്തെ ര​ക്ഷി​ക്കൂ’ എ​ന്ന മു​ദ്രാ​വാ​ക്യ​മു​യ​ർ​ത്തി കൂ​ച്ച്​ ബി​ഹാ​ർ ജി​ല്ല​യി​ൽ​ നടന്ന ആദ്യഘട്ട റാലിയിൽ സംസാരിക്കുകയായിരുന്നു അദ്ദേഹം.

സ​മു​ദാ​യ സം​ഘ​ർ​ഷ​ത്തി​ന്​ കാ​ര​ണ​മാ​യേ​ക്കാ​മെ​ന്ന്​ ചൂ​ണ്ടി​ക്കാ​ണി​ച്ചാ​ണ്​ അമിത്​ ഷായുടെ ര​ഥ​യാ​ത്ര വി​ല​ക്കി​യ​ത്. അ​ക്ര​മ സാ​ധ്യ​ത ചൂ​ണ്ടി​ക്കാ​ണി​ച്ച്​ ​െകാ​ൽ​ക്ക​ത്ത ഹൈ​കോ​ട​തി ജ​സ്​​റ്റി​സ്​ ത​പ​ബ്ര​ത ച​ക്ര​വ​ർ​ത്തി​യും യാ​ത്ര​ക്ക്​ അ​നു​മ​തി ന​ൽ​കി​യി​രുന്നില്ല. തുടർന്ന്​ ബി.​െജ.പി ഹൈ​കോ​ട​തി ഡി​വി​ഷ​ൻ ബെ​ഞ്ചി​നെ സ​മീ​പി​ച്ചു. എന്നാൽ സർക്കാർ ഉത്തരവിനെ പിന്തുണക്കുന്ന നിലപാടാണ്​ ഡിവിഷൻ ബെഞ്ച്​ കൈകൊണ്ടത്.

ബംഗാളിലെ 42 ലോക്​സഭാ മണ്ഡലങ്ങളിലൂടെ രഥയാത്ര നടത്താനാണ്​ ബി.ജെ.പി തീരുമാനിച്ചിരുന്നത്​. വരുന്ന തെരഞ്ഞെടുപ്പിൽ 20 സീറ്റുകൾ പാർട്ടി നേടുമെന്നും അമിത്​ ഷാ പറഞ്ഞിരുന്നു. കൂച്ച്​ ബിഹാറിൽ കൂടാതെ കക്​ദിപിലും ബിർഹും ജില്ലയിലും റാലി നടത്താനും ബി.ജെ.പി തീരുമാനിച്ചിട്ടുണ്ട്​.